Senatorlar «2014 jylǵy 29 mamyrdaǵy Eýrazııalyq ekonomıkalyq odaq týraly shartqa Armenııa Respýblıkasynyń qosylýy týraly 2014 jylǵy 10 qazandaǵy shartqa ózgerister engizý týraly hattamany ratıfıkasııalaý týraly» zań jobasyn qaraıtyn boldy. Qujat Eýrazııalyq ekonomıkalyq odaqtyń Biryńǵaı kedendik tarıfterin tolyq ımplementasııalaýǵa deıin kedendik bajdardyń tómendetilgen mólsherlemelerin qoldanýda Armenııa Respýblıkasyna ótpeli kezeńdi 1 jyl merzimge uzartý jónindegi ýaǵdalastyqtardy iske asyrý úshin ázirlengen bolatyn.
Otyrystyń kún tártibine «2014 jylǵy 29 mamyrdaǵy Eýrazııalyq ekonomıkalyq odaq týraly shartqa Qyrǵyz Respýblıkasynyń qosylýyna baılanysty Qyrǵyz Respýblıkasynyń 2014 jylǵy 29 mamyrdaǵy Eýrazııalyq ekonomıkalyq odaq týraly shartty, Eýrazııalyq ekonomıkalyq odaqtyń quqyǵyna kiretin jekelegen halyqaralyq sharttardy jáne Eýrazııalyq ekonomıkalyq odaq organdarynyń aktilerin qoldanýy jónindegi jaǵdaılar men ótpeli erejeler týraly 2015 jylǵy 8 mamyrdaǵy hattamaǵa ózgerister engizý týraly hattamany ratıfıkasııalaý týraly» zań jobasy da engizildi. Qujat EAEO biryńǵaı kedendik tarıfterin tolyq ımplementasııalaýǵa deıin kedendik ákelý bajdarynyń mólsherlemelerin qoldanýda Qyrǵyzstan úshin ótpeli kezeńin uzartýǵa baǵyttalǵan. Zań jobasynda Qyrǵyzstan aýmaǵyna úshinshi elderden ákelinetin keıbir taýarlarǵa qatysty kedendik-tarıftik salany retteý qamtylǵan.
Bıýro músheleri sondaı-aq Májilisten kelip túsken birqatar zań jobalaryn turaqty komıtetterge bólip berdi.
