«Sizderge elimiz boıynsha meshitterdiń aýlalarynda Oraza aıt namazy oqylatyndyǵyn (Jergilikti bas sanıtarlyq dárigerlerdiń qaýlysy boıynsha ruqsat etilgen) qýanyshpen jetkizemiz. Eń bastysy meshitke kelýshi musylman jamaǵatyn tómendegi saqtyq sharalarǵa mán berýge shaqyramyz: betperde (maska) kıip kelý; úıden dáret alyp kelý; namazdan soń qol berip amandaspaý; namazdan keıin kóp kidirmeı úıge qaıtý; jamaǵatpen oqylatyn namazǵa balıǵatqa tolmaǵan balalardy alyp kelmeý. Naýqastar men áıelderdiń aıt namazyna qatyspaǵany abzal», delingen dinı basqarma málimdemesinde.
QMDB barsha musylman qaýymyn osy jaǵdaılarǵa túsinistikpen qaraýǵa shaqyrady.
«Juqpaly indetti taratpaý úshin ár azamat óziniń otbasy, qoǵam aldyndaǵy jaýapkershiligin tereń sezinip, sanıtarlyq talaptar men meshit tártibine baǵynýy qajet. Barsha jamaǵatty ózi men otbasynyń, elimiz ben jerimizdiń amandyǵy úshin Jaratqanǵa duǵa jasaýǵa úndeımiz. Alla Taǵala jer betindegi kúlli adamzatty túrli apattan saqtap, juqpaly indetten aman etkeı! Ámın!», dep atap ótedi QMDB ókili.
