Dıqandar dala jumystaryna shyqty

2017-2021 jyldarǵa bekitil­gen egis alańy qurylymyn árta­rap­tandyrý týraly memoran­dým­ǵa sáıkes, Altaı aýdanynda bıyl egis alańy 72,2 myń gektardy qurap, byltyrǵy deń­geı­men salystyrǵanda 0,03 myń gektarǵa artty. Kóktemgi dán­di daqyldardy egý bıyl 40,2 myń gektardy qurady, maıly daqyldar 25,1 myń gektar, onyń ishinde kúnbaǵys 19,4 myń gektar, rapsty 5,6 myń gektarǵa egý jos­pary bar.

Topyraqtyń qunarlylyǵyn saqtaý jáne aýyl sharýashylyǵy daqyldarynyń ónimdiligin arttyrý úshin aýdannyń aýylsha­­­rýa­­­shylyq qurylymdary 5 309,5 tonna mıneraldy tyńaıt­qysh satyp aldy. Sondaı-aq kók­tem­gi dala jumystaryn júr­gi­zý­ge aýdanǵa 2 665 tonna dızel otyny bólinip, byltyrǵy deńgeıden 585 tonnaǵa artty.

Altaı aýdanynda traktorlar men basqa tehnıkalardyń 1 009 birligi bar. Bul bıylǵy egis naý­qanynyń barlyq qajettiligin jabý­ǵa qaýqarly. Aǵymdaǵy jyly kóktemgi dala jumystaryn júr­gizý úshin aýylsharýashylyq qu­rylymdary 600 mln teń­ge­den astam somaǵa 12 birlik aýyl­sharýashylyq tehnıkasyn jáne jabdyqtaryn satyp alýdy jos­parlaýda. Búginde 312 mln teńgege 6 birlik tehnıka jet­kizildi.

Al Borodýlıha aýdanynyń aýyl­sharýa­shylyq bólimi mamandary bergen derekterge sensek, bıyl mundaǵy egis alqaptary 325 myń gektardy quramaq. Jaz­dyq egis­ti sátti júzege asyrý úshin bıyl 210 myń gektarda ylǵaldy jabý jumystary júr­giziletin kórinedi. Búginde onyń 34,5 pa­­­ıyzy oryndalǵan. Sonymen qatar 39 myń gektar alqap jyrtylyp, 325 myń gektar alqap qaıta óńdeledi.

Jalpy alǵanda, bıylǵy kóktemgi egis naýqanyna Boro­dý­lıha aýdany boıynsha 1 231 shynjyr tabandy jáne dóń­ge­lek­ti tehnıka, 2 146 túrli agregat ju­myldyrylady. Bul tehnıkalar egistik jumystaryna 100 pa­ıyz ázir.

Sharýashylyqtardy jer­gi­lik­ti jerge beıimdelgen daqyl tu­qymdarymen qamtamasyz etý maqsatynda aýdan boıynsha úsh tuqym ósirýshi jáne bir asyl tuqymdy sharýashylyq jumys is­teıdi. Búgingi tańda sebiletin tu­qymnyń 14,8 myń tonnasy, ıaǵnı 87,9 paıyzy tolyqtaı tek­se­rilip boldy.

Kóktemgi egis jumys­ta­ryn júrgizý úshin boro­dý­lıha­lyq­tarǵa aýyl sharýa­shy­ly­ǵy bas­qar­masynyń bergen kvotasyna sáıkes, 6 370 tonna dızel otyny bólingen. Onyń 455 tonnasy naýryzǵa, 1 265 tonnasy sáýirge, 3 315 tonnasy mamyrǵa, al 975 ton­nasy maýsym aıyna kóz­del­gen.

Shyǵys Qazaqstan oblysy