«Elordanyń jeke sektoryn gazdandyrý jumystaryn jalǵastyramyz. Taǵy bir eldi mekende (Kóktal-1) gaz taratý jelileriniń qurylysy aıaqtaldy. Onda qazir iske qosý-jóndeý jumystary (syǵymdaý, úrleý) júrgizilýde. Qala eldi mekenderinde barlyǵy 345 km astam oramishilik gaz taratý jelileri salyndy.
Turǵyn úılerdi aralaýdy jalǵastyramyz. Kúıgenjar, Internasıonalnyı, Mıchýrıno eldi mekenderindegi gazdandyrý barysymen tanystym. «QazTransGaz Aımaq» AQ osy eldi meken turǵyndarynyń úılerin jańa jylytý maýsymynda gazǵa qosýdy josparlap otyr», deıdi qala ákimi.
Elorda ákiminiń aıtýynsha, osy jylytý maýsymynda Ońtústik-Shyǵys, Promyshlennyı, Kóktal-1, Agroqalashyq eldi mekenderiniń turǵyndary da gazǵa qosylý múmkindigine ıe bolady. Qazir gaz taratý jelilerin salý jumystary júrgizilip jatyr.
О́tken jylytý maýsymynda gaz taratý jelileri Jeleznodorojnyı, Kóktal-2, Agroqalashyqtyń bir bóliginde júrgizildi. Gazdandyrý bastalǵan sátten bastap az qamtamasyz etilgen otbasylarǵa úılerdi gazǵa kóshirý boıynsha áleýmettik kómek kórsetý tetigi engizildi.
«Eldi mekenderdi aralaý kezinde turǵyndarmen aýdandardyń odan ári damýyn talqylaımyz. Bul ınjenerlik-jol ınfraqurylymy, áleýmettik turǵyn úı, mektepter, medısınalyq nysandar, joldar salý jáne t. b. máseleler. Sondaı-aq qoǵamdyq keńistikter men aýlalardy abattandyrý, kógaldandyrý, jaryqtandyrý jáne t. b. máseleler. Turǵyndardan kótergen máselelerdi josparǵa alamyz.
Elordany gazdandyrý men eldi mekenderdi damytý – Memleket basshysynyń baqylaýynda», dep jazdy Altaı Kólginov.
