«10 mamyrda polısııanyń kezekshi bólimine Soltústik Qazaqstan oblysy aýyldarynyń biriniń 53 jastaǵy turǵynynan ulyn izdeýge kómektesý týraly ótinish tústi. 1989 jylǵy Temirjanov Bahtııar Talǵatuly 7 mamyrda Kókshetaýdaǵy úıinen shyǵyp ketip, sol kúıi oralmaǵan, onyń qaıda ekendigi áli belgisiz», dep habarlady Aqmola oblystyq PD baspasóz qyzmeti.
Joǵalǵan adam dene shynyqtyrý pániniń muǵalimi ekeni belgili boldy. Joǵalǵan adamnyń belgiler: boıy 175-180 sm, dene bitimi juqalaý kelgen, shashy qara, qysqa qıylǵan, qulaqtary ortasha, kózderi qysyńqy, qońyr tústi. Ústine sur djınsy, qara kók kýrtka, aıaqtarynda qońyr tústi aıaq kıim kıgen. Erekshe belgiler: astyńǵy erniniń tómengi jaǵynda meńi bar.
«Er adamnyń turǵan jerin anyqtaý maqsatynda tártip saqshylary jedel-izdestirý is-sharalaryn júrgizdi, onyń barysynda barlyq tanys jáne jaqyn adamdardan jaýap alyndy. Barlyq kameralar qaraldy, biraq er adamnyń ornalasqan jerin tabý múmkin bolmady», dedi vedomstvo ókili.
