Osy oraıda jasyl jelekti alqaptar kólemin arttyrý maqsatynda Siberian Wellness kompanııasynyń ókildikteri ornalasqan elderde 25 gektar alqapqa aǵash otyrǵyzý josparlanyp otyr. Bul bastamaǵa qazirgi ýaqytta Belarýs, Qyrǵyzstan, О́zbekstan jáne Moldova qosylǵan. Osy oraıda kompanııanyń qazaqstandyq bólimshesi de Almatyda aǵash otyrǵyzýdy qolǵa aldy.
Búginde Almatyda 2,2 mln-ǵa jýyq jasyl jelek, 1 427 gektar jasyl alqap bar. Mamandar bir adamdy ottegimen qamtamasyz etý úshin 1,54 aǵashtyń qajet ekenin aıtady. Al bir túp aǵash bir kólikten shyqqan ýly gazdy boıyna sińirip, 80 kg zııandy zattar men 20 kg shańdy beıtaraptandyratyn kórinedi. Osy oraıda Siberian Wellness kompanııasynyń ókilderi Qazaqstanda «25 ga» naýqanynyń aıasynda kádimgi shaǵannyń 50 túbin otyrǵyzdy.
«Aǵash otyrǵyzýǵa qolaıly aýmaq retinde Nurkent shaǵyn aýdanyndaǵy «Almaty Arena» muz saraıynyń mańyndaǵy gúlzar tańdalǵan. Búginde Alataý aýdanynda 250 myńǵa jýyq adam turatyn bolsa, Nurkent shaǵyn aýdanynda turatyndardyń basym kópshiligin jastar quraıdy. Kólik baılanysynyń tyǵyzdyǵyna qaramastan, bul aýdanda parkter men jasyl jelekter sany az eken», dep atap ótti Siberian Wellness (Qazaqstan) kompanııasynyń menedjeri Alııa Raptaeva.
Atalǵan shaǵyn aýdan arqyly Raıymbek jáne Rysqulov dańǵyldarymen kólik dálizi ótedi. Raıymbek dańǵyly Almaty-Bishkek kólik jolyna ulasyp jatsa, Rysqulov dańǵyly 2030 jylǵa qaraı Úlken Almaty aınalma jolymen qosylady. Qalaǵa kiretin júk kólikteriniń salmaǵy negizinen osy eki kóshege túsedi. Al qalalar men oblystar arasyn jalǵap jatqan kólik dálizinen qalaǵa taraıtyn zııandy qaldyqtardy jol jıekterindegi jasyl jelekter ǵana ustap qalatyny anyq.
Ońtústik astanada jańadan otyrǵyzylǵan kóshetter kóktep ketkenshe, olardy kútip-baptap, aptasyna eki ret sýǵaryp otyrý qajet. Al árbir aǵashqa kútim jasaý úshin jylyna 5 myńnan 20 myń teńgege deıin qarajat ketedi eken. Osy oraıda otyrǵyzylǵan aǵashtarǵa kútim jasaýdy «Almaty-Arena» saraıynyń mamandary óz jaýapkershiligine alyp otyr.
ALMATY
