Almaty jer silkinisi, sel, kóshkin, qar kóshkini, sý basý, órt sııaqty tehnogendik jáne tabıǵı sıpattaǵy tótenshe jaǵdaılarǵa beıim aımaq. Jeke quramnyń 1,5 myńnan astam adamy, 270 tehnıka birligi TJ-dyń zardaptaryn joıýǵa únemi daıyn. Qalanyń qutqarýshylary jylyna orta eseppen 3 myńnan astam jerlerge barady.
2000-2021 jyldar aralyǵynda 202 bilim berý obektilerine, onyń ishinde 145 mektepke, 51 balabaqshaǵa, 6 mektep-ınternatqa kúrdeli jóndeý júrgizildi jáne olar seısmıkalyq kúsheıtildi. 2021 jyly 8 mektepti, 6 balabaqshany, 1 kolledjdi, 3 densaýlyq saqtaý nysanyn, 2 azamattyq qorǵanys nysanyn seısmıkalyq kúsheıtý josparlanýda.
TJ kezinde halyqty oqytý jáne qaýipsiz tártip mádenıetin, ózderin durys ustaý daǵdylaryn qalyptastyrý maqsatynda elimizde balamasy joq ınnovasııalyq joba bolyp tabylatyn sımýlıasııaly oqý- ádistemelik ortalyq salynýda.
Seısmologııa Instıtýty 2018 jyldan beri «Qazaqstannyń ońtústik-shyǵysyndaǵy seısmıkalyq qaýipti aımaqtardy keshendi zertteý jáne kúshti jer silkinisi týraly aldyn-ala eskertý júıesiniń negizderin jasaý» baǵdarlamasy boıynsha jumys júrgizýde.
Osy baǵdarlamany iske asyrý aıasynda Instıtýt japondyq sheshim bazasynda testileý rejıminde erte habardar etý júıesiniń 9 seısmıkalyq stansııasyn ornatty. 2023 jylǵa deıin seısmıkalyq datchıktermen, avtonomdy qýat kózderimen jabdyqtalǵan taǵy 28 stansııa ornatý, sondaı aq seısmologııa Instıtýty men TJD-de dıspetcherlik pýnktter ashý josparlanýda.
Júıe avtomatty rejımde joıqyn seısmıkalyq tolqynnyń qalaǵa jaqyndaǵany týraly sıgnal beredi jáne turǵyndarǵa erte eskertý jasalady,onyń ishinde Darmen mobıldi qosymshasynyń kómegi arqyly. Jer silkinisi týraly sıgnal 40 sekýndqa deıingi aralyqta túsedi.
