Búgin óńirlik kommýnıkasııalar qyzmetinde sala mamandary sátsizdiktiń sebepterin túsindirip, bas bapker qyzmetinde qalatyndyǵyn málimdedi.
«Biz basqarma tarapynan klýb basshylyǵy jáne oıynshylarmen jıi kezdesý ótkizip turamyz. Komanda maýsymdy sátsiz ótkizip jatyr. Jeńiske jetý úshin kóp daıyndyq kerek. Bir-birin, alańdy túsiný qajet. Osy baǵytta jumys jasalady. Bıyl jergilikti oıynshylardyń tájirıbesin jetildirý kóńil bólip otyrmyz»,-dedi oblystyq dene shynyqtyrý jáne sport basqarmasynyń basshysy Jaqsylyq Ospanov.
Mamandardyń aıtýynsha ótken jylǵy quramnyń tek 20 paıyzy qalǵany da komanda oıynyna áser etýde. Sondaı-aq úmit artqan talantty oıynshylar da jaraqattan endi aıyǵyp keledi.
«Koronavırýstyq ınfeksııaǵa baılanysty shekteýler shet elden kózdegen oıynshylarymyzdy satyp alý qıyndyq týdyrdy. Aldaǵy oıyndardan komandamyz upaı enshileıdi degen senim bar. Endi klýbymyzdan nátıjeli matchtar kútemiz. Kelesi transferde «Qaısar» sapyna 2-3 pozısııada tájirbıeli oıynshylardy tartýdy josparlap otyrmyz, dedi oblystyq fýtbol federasııasynyń vıse-prezıdenti Bolat Kósherbaev.
Aıta keteıik, «Qaısar» fýtbol klýby 14 mamyr kúni Aqtóbede jergilikti «Aqtóbemen» kezdesedi. Búgin Syr aıaqdopshylary matchqa tyńǵylyqty daıyndyq jumystaryn júrgizýde.
