Bul týraly Atyraý qalalyq qarjy bóliminiń basshysy Meıirjan Muqasov málim etti. Onyń aıtýynsha, «Saraıshyq» kommýnaldyq bazary keıinnen satyp alý quqyǵymen 5 jyl merzimge «Ideal Market» JShS-niń senimgerlik basqarýyna berilip otyr. Nysannyń quny 1,3 mlrd teńgege baǵalanǵan.
«Senimgerlik basqarýǵa berý tender arqyly ótti. Aýdany 2,6 myń sharshy metrlik jabyq bazarda 288 saýda orny, syıymdylyǵy 2330 tonna ónimdi saqtaıtyn aýdany 4,4 myń sharshy metr qoımasy, 2 gektar jer ýchaskesi bar. Bazar 2016 jyly iske qosyldy. Bes jylda bazardyń 51,2 mln teńge kredıtorlyq bereshegi jınaqtaldy», deıdi Meıirjan Muqasov.
Kommýnaldyq bazardyń jańa ıesi – «Ideal Market» JShS bes jyl ishinde kredıtorlyq qaryzyn ótep, saýda nysanynyń bastapqy maqsatyn ózgertpeýdi, áleýmettik mańyzy bar azyq-túlik baǵasyn turaqty ustap turý men jumys oryndaryn saqtaýdy mindetine alyp otyr.
