Dúnıejúzilik reıtıngte 665-orynda turǵan Iа.Shvedova bastapqy kezdesýin álemniń 97-raketkasy, ıtalııalyq Martına Trevızanmen ótkizdi. Birinshi partııada M.Trevızan otandasymyzǵa birde-bir geım bergen joq – 6:0. Esesine ekinshi sette Iа.Shvedova taı-breıkte 7:6 (7:4) ese qaıtardy. Sheshýshi úshinshi partııada qazaqstandyq tennısshi taǵy da taı-breık jasap, kort qojaıynynan jeńisti julyp aldy – 7:6 (8:6). Tartysty ótken báseke 2 saǵat 35 mınýtqa sozyldy. Shvedova ekinshi aınalymda álemniń 1-raketkasy, aýstralııalyq Eshlı Bartımen sheberlik baıqasty. О́kinishke qaraı, jerlesimiz 6:1, 6:4 esebimen jeńilýge májbúr boldy.
Al atalǵan týrnırde baq synaǵan Aleksandr Býblık pen Iýlııa Pýtınseva birinshi aınalymda-aq súringen edi. Býblık horvatııalyq Marın Chılıchten jeńilse, Pýtınseva amerıkalyq Korı Gaýfke ese jiberdi. Sondaı-aq Mıhaıl Kýkýshkın irikteý synynan óte almaǵan bolatyn.
