Jelezın aýdanynyń ákimi Qanat Kashkırov О́ńirlik kommýnıkasııalar qyzmetinde ótken baspasóz konferensııasynda mal sharýashylyǵyn damytý týraly baıandady.
«Veseloroshın aýyldyq okrýginde «Astyq-PV» JShS 600 basqa arnalǵan taýarly sút fermasyn salýdy josparlap otyr. Quny 1,9 mlrd teńge bolatyn osy jobany iske asyrý boıynsha «Jol kartasy» ázirlendi. Ruqsat qujattary alyndy», dedi spıker.
Keshen qurylysyn tamyz aıynda aıaqtap, qyrkúıek aıynda mal ákelý josparlanyp otyr. Jelezın fermerleri «Sybaǵa» memlekettik baǵdarlamasyna belsendi qatysýda. Jyl sońyna deıin Reseı men Eýropadan 600 bas iri qara mal, sondaı-aq jergilikti sharýashylyqtar jetkize alatyn eki myńǵa jýyq usaq mal kelýi tıis.
Spıkerdiń aıtýynsha, sońǵy úsh jylda aýdanda aýyl sharýashylyǵy maldary sanynyń jáne ónim óndirý kóleminiń turaqty ósý úrdisi saqtalyp otyr.
«Mal sharýashylyǵy ónimderin óndirýdi orta eseppen 4%-ǵa arttyrý josparlanyp otyr. «Sybaǵa» baǵdarlamasynyń arqasynda et óndirý kólemi 6 myń 693 tonnany qurap, 104%-ǵa artty, sondaı-aq iri qara mal ósirý boıynsha 10 sharýashylyq jáne usaq mal ósirý boıynsha bes sharýashylyq ashyldy», dep naqtylady Qanat Kashkırov.
2021 jyly jelezındikter mal men qus etin óndirý, sıyr sútin saýý, ónimdilikti arttyrý esebinen aýyl sharýashylyǵy ónimderi óndirisiniń 3,9% ósýin qamtamasyz etýge nıetti.
