Qazirgi tańda tek Fransııa úkimeti eldiń shekarasyn kesip ótý úshin qajet PTR synamalarynyń shyǵyndaryn óteıdi. Al basqa elderde testileý tolyǵymen nemese ishinara saıahatshylardyń ózderi esebinen júzege asyrylady. Máselen, bir elderde baǵalar shamamen 30 dollardan bastalyp, 200 dollardan asady.
Sebebi azamattardyń bir elden ekinshi elge ushýǵa ketetin shyǵyndary tek áýe bıletiniń qunynan ǵana emes, sonymen qatar COVID-19-ǵa mindetti zertteýlerge jumsalatyn shyǵyndardan da quralady. Bul ortasha alǵanda jol qunyn 45 paıyzǵa, al qaıta testileý jaǵdaıynda 90 paıyzǵa arttyrady.
IATA baqylaýlary ishki reısterde testileý talaptary alynyp tastalǵan elderde reısterge suranys aıtarlyqtaı óskenin kórsetedi. Dál osyndaı naryqtyq reaksııany halyqaralyq jelilerdegi synaqtardyń baǵa máselesin, ásirese kóp qoldanylatyn PTR-test baǵasyn retteýden kútýge bolady.
Sonymen qatar qaýymdastyqtyń dırektory kólik jáne týrızm salasyndaǵy jumys oryndaryn saqtaý úshin PTR-testiń baǵasyn retteý kerektigin basa aıtty.
