Búgingi tańda Nur-Sultanda 3 104 úkimettik emes uıym tirkelgen, bul Qazaqstandaǵy ÚEU jalpy sanynyń 13,4%-yn quraıdy. Jalpyn sany – 22 344. Onyń ishinde «Zańdy tulǵalar birlestigi» quqyqtyq mártebesine 456 uıym ıe, qoǵamdyq birlestikter – 1338, mekemeler – 256 jáne qorlar – 1054. Elordanyń belsendi úkimettik emes uıymdarynyń tizimine 1084 ÚEU kiredi (2018 jyly – 243, 2019 jyly – 471).
Elorda ákimdiginiń memlekettik áleýmettik tapsyrysy aıasynda qalada úkimettik emes sektordyń jumysyn shoǵyrlandyrýǵa baǵyttalǵan Azamattyq bastamalardy qoldaý ortalyǵy quryldy jáne jumys isteıdi. Búginde Ortalyq mynadaı qyzmetter kórsetedi:
- ÚEU qajettilikterin anyqtaý jáne olarǵa sáıkes oqytý;
- Nur-Sultanda úkimettik emes uıymdardyń qyzmetin úılestirýge baǵyttalǵan is-sharalardy uıymdastyrý jáne ótkizý;
- Zańtaný, qarjy, jobalaý máseleleri boıynsha konsýltasııalar ótkizý;
- Aqparattyq-saraptamalyq qyzmetter (materıaldarmen, ádistemelik quraldarmen, zańnama salasyndaǵy jańalyqtarmen, ózgeristermen qamtamasyz etý);
- Memlekettik áleýmettik tapsyrys aıasynda jobalardy, halyqaralyq uıymdardyń fılıaldary men ókildikteriniń qyzmetin monıtorıngileý jáne baǵalaý;
- Oqytý is-sharalaryn ótkizý;
- Trenıngter, semınarlar, dóńgelek ústelder úshin oryndar usyný.
Azamattyq bastamalardy qoldaý ortalyǵynyń qyzmeti týraly tolyǵyraq aqparatty saıttan alýǵa bolady: https://civilcenterelorda.kz/cci/index.php.
