Kóliginen aıyrylǵansha, tártipke kónbeıdi

Eger qoldanystaǵy zań­nama bu­ǵan múm­kindik berse, masań kúıde kólik aıdaǵan kisi tórtinshi ret te, besinshi ret te ustalatyn shyǵar. Jol qaýip­sizdigin qamtamasyz ete­tin zań jobalaryn ázirlegender rýl­ge masań kúıinde 2-shi ret oty­ratyndardyń kólik qu­­raldary tárkilenedi dep jazbaǵan soń, keıbireýge mun­daı zań oıynshyq sııaqty kó­rinýi múmkin. О́ıtkeni júr­gizý­shilik kýálikten qa­ǵylý «jutýdy» una­ta­tyn keı júr­gi­zý­shige onsha áser etip turǵan joq. Polısııanyń úshinshi ret mas kúıin­de kólik júrgizgen júrgizýshini usta­ǵany – sonyń aıǵaǵy. 21 jastaǵy «BMW» kóliginiń ıesi alǵashqy ret mas bolyp ustalǵanynda 3 jylǵa, ekinshi ret ustalǵanda 6 jylǵa kólik júrgizý qu­qy­ǵynan aıyrylǵan. Biraq ol sabaz kólik júrgizý quqynan aıyrylǵanyna pysqyryp ta qaramaı, mashınasyn taǵy da mas kúıinde ustalǵansha júrgize bergen.

Polısııa endi ony Qyl­mystyq kodeks­tiń 346-baby boıynsha «al­kogoldik ma­sań kúıdegi kólik qu­raldaryn bas­qarý qu­qyǵynan aıy­rylǵan adamnyń kólik quralyn bas­qarýy boıynsha qylmystyq jaýap­kershilikke tartamyz» dep otyr. Biraq bul jolǵy jaza da onyń kólik júrgizý qu­qyǵyn shek­tegenimen, ne bas erkinen, ne kólik quralynan aıyrmaıdy eken. En­deshe, zańnyń jumsaq talabyn al­daǵy ýaqytta da buza berýi yqtımal.  Sol­tústik Qazaqstan PD Jergilikti polısııa qyzmeti basqarmasynyń bas­tyǵy, polısııa podpolkovnıgi Aı­dyn Baımatov: «Bul azamat endi iri mól­sherdegi aıyppul tó­leýge nemese 5 jylǵa bas bos­tandyǵyn shekteýge (aıyrýǵa emes – J.S.), sondaı-aq ómir boıyna kólik júrgizý quqy­ǵy­nan aıyrylýy múm­kin», deıdi.

Demek, bul «batyr» aıyp­puldy tólep tastap nemese 5 jylǵa bas bostandyǵy shek­­­telse de, tipti ómir boıy kó­lik júrgizý quqyǵynan aıy­ryl­sa da aryndap turǵan avtosyn aıdap júre bermesine esh ke­pil­dik joq. О́ıtkeni júr­gi­zý­shilik kýáliktiń joq­tyǵy oǵan kedergi emes. Sebebi, qa­zir polısııa onyń bar-joǵyn tek­sermeıtin de boldy. Eger kólik júrgizý quqyǵynan bel­gilikti merzimge aıyrylǵan aza­­mat qatań zań talabynan jas­qanatyn bolsa, úshinshi ret rýl­ge «jutyp alyp» otyrmas edi. Sóıtip ol qashan iri jol-kó­lik apatyn jasap, túrmege toǵy­tylǵansha júre bermek...

PETROPAVL