Bul usynys mádenıet pen ónerdi damytý máseleleri jónindegi «Mıras» aımaqtyq qoǵamdyq keńesi múshelerinen shyqqan. Budan buryn Atyraý men Aqtóbe qalalaryndaǵy áýejaılarǵa qazaqtyń batyr qyzdary Hıýaz Dospanova men Álııa Moldaǵulovanyń esimderi usynylǵan edi.
Konferensııada partııanyń oblystyq fılıaly menbaqylaý-tekserý komıssııasynyń 2019-2020 jyldary atqarǵan jumystary jáne aldaǵy jospary týraly da keńinen sóz bolǵan.
Oblys aýmaǵynda partııanyń 241 bastaýysh uıymy men 13 aýmaqtyq fılıaly bar. Fılıal tóraǵasy, Batys Qazaqstan oblysynyń ákimi Ǵalı Esqalıevtyń aıtýynsha, jańadan saılanǵan bastaýysh partııa uıymdary tóraǵalarynyń 33%-y – áıelder, 26%-y – 35 jasqa tolmaǵan jastar eken.
«2019-2020 jyldary oblystyq fılıaldyń qoǵamdyq qabyldaýyna 10 myńnan astam ótinish kelip tústi, onyń 39%-y oń sheshimin tapty. Eki jyl ishinde máslıhat depýtattary, memlekettik organdardyń basshylary, ákimder men ákim orynbasarlary, zańgerler 3440 qabyldaý ótkizip, qabyldaýǵa 4948 adam keldi» deıdi oblystyq fılıal tóraǵasynyń birinshi orynbasary Murat Muqaev.
Partııanyń «Baqytty otbasy» jobasy aıasynda tıisti memlekettik organdar ókilderinen turatyn jedel mobıldi toptar qurylyp, qıyn jaǵdaıǵa tap bolǵan kópbalaly, tolyq emes, az qamtylǵan otbasylardaǵy balalardyń jaǵdaıyna monıtrıng, odan ári naqty kómek jasalýda.
«BIRGEMIZ» respýblıkalyq aksııasy aıasynda halyqtyń asa muqtaj 6 tobynyń ókilderine (29 254 oblys turǵynyna) 50 000 teńgeden (jalpy somasy 1,4 mlrd.teńge) kómek kórsetilip, 9 200 otbasyna azyq-túlik sebeti úlestirilgen.
Bıyldyń ózinde Uly Otan soǵysynyń qatysýshylary men ardagerlerine jáne tyl eńbekkerlerine jalpy 77 adamǵa, azyq-túlik sebetteri tabystalǵan.
Jyldyń basynan beri táýelsizdiktiń 30 jyldyǵyna arnalǵan túrli sporttyq ulttyq oıyndar ótkizilse, naýryz-sáýir aılarynda tazalyq aptalyqtary júrgizilip, 1000-nan astam kóshet otyrǵyzylǵan.
