Elimizdiń Ekologııa, geologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıtetiniń málimetinshe, kıikterdiń ólimi naızaǵaıdan bolýy múmkin. Qazir tekserý júrgizilýde.
Oqys oqıǵa Batys Qazaqstan oblysynyń Jánibek aýdanyna qarasty Taý aýyldyq okrýginde bolǵan. О́lgen kıikterdi aldymen kórgen jergilikti turǵyndar ólgen aqbókenderdiń beınejazbasyn áleýmettik jelige taratqan. Batys Qazaqstan oblystyq orman sharýashylyǵy jáne janýarlar dúnıesi aýmaqtyq ınspeksııasynyń basshysy Qaırat Qadeshev osyndaı oqıǵanyń bolǵanyn rastap otyr.
«Bizdiń ınspektorlar oqıǵa bolǵan jerge bardy. О́lgen aqbókenderdiń denesinde tilip-kesip ótken izder baıqaldy.Jergilikti halyqtyń aıtýynsha, osy mańda jaqynda naızaǵaıly jaýyn bolǵan. Kıiktiń ólimi osy naızaǵaıdan bolýy múmkin degen boljam bar. Qazir qosymsha synamalar alynyp, zertteýge jiberildi. Naqty nátıjesi keıin belgili bolady. Ázirge 372 bas kıiktiń óligi tabyldy», degen Qaırat Qadeshev.
