«AtyraýInjStroı» JShS baspasóz qyzmetiniń aqparatyna súıensek, mundaı qadamǵa barýǵa Atyraý qalasyndaǵy keńeıtiletin jol boıyndaǵy aǵashtardyń jumysty atqarýǵa kedergi keltirgeni sebep bolǵan.
«Jobaǵa sáıkes, aǵashtar kesilýi tıis edi. Biraq, jobanyń tapsyrys berýshisi men merdiger kompanııanyń birlesken uıǵarymymen kópjyldyq aǵashtardy basqa jerge kóshirý týraly sheshim qabyldandy», dep habarlady kásiporynnyń baspasóz qyzmeti.
Jaqynda merdiger 38 aǵashty tamyrymen «Munaıshy» stadıony mańyndaǵy alleıaǵa kóshirdi. Al, qalany kógaldandyratyn «KDMS» kompanııasynyń mamandary «qonys aýdarǵan» aǵashtardy baqylaýǵa alǵaly otyr.
«Aǵashtar jańa orynǵa beıimdelgenge deıin «aýyrady». Biraq, tyńaıtqyshtar men sýarý aǵashtardyń tamyr jaıýyna yqpal etedi. Bir aıda aǵashtyń tamyryn jaıǵany nemese ólip qalǵany belgili bolady», dep málimdedi «AtyraýInjStroı» baspasóz qyzmetinen.
