Osyǵan baılanysty Nur-Sultan qalasy boıynsha QAJD laýazymdy tulǵalaryna, sondaı-aq Qostanaı jáne Jambyl oblystary Polısııa departamentteriniń tergeý bólimsheleriniń orta býyn basshylaryna qatysty sotqa deıingi tergeýler júrgizilip jatqanyn habarlaımyz.
Osy faktiler boıynsha tolyq aqparat qazirgi ýaqytta tergeý aıasynda jarııalaýǵa jatpaıdy. Sonymen qatar, IIM júrgizilip jatqan reformalarǵa sáıkes óz qataryndaǵy zańdylyqty saqtaý, buzýshylyqtardy joıý jáne memlekettik qyzmetke kir keltiretin kez kelgen is-qımyldyń jolyn kesý jónindegi júıeli sharalardy iske asyrýdy jalǵastyryp jatqanyn atap ótý qajet.
«El basshylyǵy IIM aldyna sybaılas jemqorlyqty joıý jáne polısııa qatarynda tártip ornatý boıynsha mindet qoıǵan kezde, olardyń oryndalmaıtyndyǵy týraly pessımıstik boljamdar aıtyldy. Biraq búgingi tańda jumys nátıjelerin berýde: paraqorlyq faktileri eki ese, sybaılas jemqorlyq qylmystyq quqyq buzýshylyqtar úshten birge azaıdy. Bul ótken jylmen salystyrǵanda aǵymdaǵy jyldyń tórt aıyndaǵy derekter. Bul jumys halyqtyń senim deńgeıin arttyrý jáne azamattardyń polısııaǵa degen senimin qaıtarý úshin jalǵasatyn bolady», dep atap ótti mınıstr Erlan Turǵymbaev.
Vedomstvo basshysynyń tapsyrmasy boıynsha qyzmetkerlerdiń sybaılas jemqorlyqqa qarsy ımmýnıtetin arttyrýǵa, osyndaı quqyq buzýshylyqtardyń aldyn alýǵa jáne jol bermeýge basa nazar aýdarylady.
Jeke quramǵa quqyq qorǵaý organdarynyń qyzmetkerleri jasaǵan sybaılas jemqorlyq quqyq buzýshylyqtar úshin jaýapkershilikti qatańdatý bóliginde qylmystyq zańnamadaǵy ózgerister túsindiriledi. Qazirgi ýaqytta О́zindik qaýipsizdik departamentiniń júıeli jumysy iske asyrylyp jatyr.
