Epıdemıologııalyq ahýaldyń turaqsyzdyǵyna baılanysty jyl saıynǵy «Qasteev mýzeıindegi tún» merekelik aksııasynyń negizgi is-sharalary online-rejımde ótedi. Negizgi habar taratý platformalary – Facebook jáne Youtoobe arnalary. Mádenı sharany murajaı saıtynan qaıtalap kórý múmkindigi de qarastyrylǵan. Bul kúni ekspozısııalarda óz kózimen kórgisi keletinder úshin murajaı ádettegideı 10:00-den 17:00-ge deıin ashyq bolady. Kúni boıy murajaıǵa kelýshiler úshin kirý tegin.
Sharanyń arnaıy qonaǵy retinde «Portretter nege únsiz?» jobasymen Respýblıkalyq nemis drama teatry shaqyryldy. Ideıanyń avtory jáne rejısseri – Natasha Dýbs.
«Mýzeıdegi tún» – bul Qasteev mýzeıinde jyl saıyn 18 mamyrda ótetin biregeı kórkem-mádenı oqıǵa. 2016 jyldan bastap jobanyń ózindik maskoty – boıtumar keıipkeri, «Qasteev mýzeıindegi túnniń» barlyq oqıǵalaryna qatysatyn, is-sharanyń logotıpi bar.
«Qasteev mýzeıindegi tún» – almatylyqtardyń mádenı tynyǵýyna arnalǵan súıikti oryny ǵana emes, sondaı-aq jyl saıyn 5000-nan 7000-ǵa deıin kórermen keletin iri óner festıvali. Jyl saıynǵy aksııaǵa bizdiń turaqty seriktesterimizben birge jańa shyǵarmashylyq ujymdar qosylady. Bıylǵy jyly «Qasteev mýzeıindegi túnine» online-kelýshilerdi joba úshin arnaıy túsirilgen qyzyqty onlaın is-sharalar men beıne qoıylymdar kútedi: «Tribal Pro» bı shoýy, «Imperııa tansa» balet mektebi, bı mektebi GAMI, S. Chervıakov pantomıma teatry, «Djaılı Tanıko» bı stýdııasy men Respýblıkalyq nemis dramalyq teatry», dep habarlady mınıstrlikte.
Sonymen qatar tanymdyq baǵdarlama da josparlanǵan, onda mýzeıdiń áleýmettik jelileriniń jazylýshylary mýzeı zaldary boıynsha vırtýaldyq ekskýrsııalarǵa qatysa alady.
