Is-sharaǵa jergilikti turǵyndardan jasaqtalǵan eriktiler tartyldy.
Osyndaı is-sharalardyń birinde «Tosqaýyl» shekara narıady zańsyz ań aýlaǵan azamatty ustady. 9 mamyr kúni keshki 19:30-dar shamasynda bolǵan quryqtaý operasııasyna «Kólsaı kólderi» memlekettik ulttyq tabıǵı parkiniń qyzmetkerleri de qatysty.
«Qazaq-qyrǵyz shekarasynyń boıynda jatqan «Kólsaı kólderiniń» aýmaǵyn kúzetý mindeti júktelgen «Jalańash» shekaralyq bóliminiń ýchaskesindegi Maıbulaq eldi mekeniniń aýmaǵynda qolǵa túsken ańshydan tirkelmegen «Optıkaly Blaızer» markili qarýy men onyń 20 oq-dárisi tárkilendi. Sondaı-aq kóliktiń artqy júk salǵyshynan maraldyń eti men múıizderi shyqty», deıdi UQK Shekara qyzmetiniń zapastaǵy podpolkovnıgi Tamara Dáýletbaeva.
Shekara narıady tárkilegen zattar aıǵaq retinde Kegen aýdandyq polısııa bólimine tapsyryldy. Keıinnen belgili bolǵandaı, shekarashylardyń quryǵynan qutylyp kete almaǵan azamat maraldy ózi atyp, soıyp alǵanyn moıyndady.
«Kózdiń jaýyn alatyn sulýlyǵymen talaılardy tamsandyrǵan Kólsaıdyń mańaıy kóktem shyǵa demalýshylarǵa tolyp ketedi. Alaıda shekara aýmaǵy sanalǵandyqtan, munda kelýshilerdiń qujattaryn tekserý – shekarashylardyń basty mindeti. Bul – eń aldymen elimizdiń tabıǵat aıasynda suq kózderden qorǵaýǵa tıgizer paıdasy ushan-teńiz», deıdi Tamara Dáýletbaeva.
