Jalpy bıylǵy jyl elimizdiń birinshi raketkasy úshin sátti ótýde. Ol qańtar aıynda Túrkııanyń Antalııa qalasynda ótken ATR týrnıriniń aqtyq synynda óner kórsetti. Odan keıin eki birdeı dúbirli dodanyń shırek fınalyna deıin jetti. Basqa da jarystarda jaman oınaǵan joq. Mine, osyndaı tabystarynyń arqasynda Aleksandr Býblık óziniń sporttyq karerasynda alǵash ret osyndaı óte jaqsy nátıjege qol jetkizip otyr. Qazaqstannyń taǵy bir ókili Mıhaıl Kýkýshkın «TOP-100» tennısshiniń qataryna qaıta oraldy. Qazirgi kezde ol úzdik júzdikti qorytyndylaýda.
Áıelder saıysynda otandastarymyz arasyndaǵy eń jaqsy kórsetkish Elena Rybakınaǵa tıesili. 22 jastaǵy asa daryndy oıynshy WTA tiziminde 22 oryndy ıelenýde. Al Iýlııa Pýtınseva 35 jáne Zarına Dıas 93 satylarǵa jaıǵasty.
Búgingi tańdaǵy álemdik reıtıngtiń kóshbasshylary jaıynda aıtar bolsaq, ATR reıtınginde serbııalyq Novak Djokovıch jeke-dara kósh bastap túr. Ekinshi jáne úshinshi oryndy reseılik Danııl Medvedev pen ıspanııalyq Rafael Nadal enshileýde. WTA tiziminiń alǵashqy úshtigine aýstralııalyq Eshlı Bartı, japonııalyq Naomı Osaka jáne rýmynııalyq Sımona Halep enip otyr.
