Konstantın Shelkovtyń ıllıýstrasııalyq fotosýreti
Oblystyq densaýlyq saqtaý basqarmasy baspasóz qyzmetiniń málimetinshe, 16 mamyrda saǵat 11:48-de «103» pýltine oqıǵa kýágeri qońyraý shalǵan. Qamzın jáne Lomov kósheleriniń qıylysynda eki kólik soqtyǵysqan. Jedel járdem toby jol apaty bolǵan jerge segiz mınýttan keıin jetti.
«Jaraqat alǵandardyń arasynda úsh bala bar, olardyń ekeýi 2009 jyly jáne bireýi 2010 jyly týǵan. Olardy bas mıynyń shaıqalýy jáne bas-súıek mıdyń jabyq jaraqatymen oblystyq balalar aýrýhanasyna jetkizdi», delingen habarlamada.
Beti men ıyǵy jaraqattanǵan 1984 jyly týǵan áıel № 1 qalalyq aýrýhanaǵa jetkizildi. Taǵy bir 37 jastaǵy er adam moıny men keýdesin jaraqattaǵan, alaıda ol aýrýhanaǵa jatýdan bas tartty.
