Baǵdarlamanyń úshinshi baǵyty – jastar praktıkasy joǵary oqý oryndary men kolledj túlekteriniń meńgergen mamandyǵy boıynsha bastapqy jumys tájirıbesin alý maqsatynda uıymdastyrylǵan.
Baǵdarlama aıasynda búginde jas túlekter jumyspen qamtylyp, eńbek tájirıbelerin arttyrýda.
Sondaı jastyń biri – Ádilet Bazarbaı.
Jas maman «Radıotehnıka elektronıka jáne telekommýnıkasııa» mamandyǵy boıynsha kolledjdi bitirip, jumyspen qamtý ortalyǵynda jumyssyz retinde tirkelgen.
«Eńbek» baǵdarlamasy arqyly «Qazaqtelekom» AQ Ońtústik aımaqtyq telekommýnıkasııa dıreksııasynyń fılıalyna joldandy. Osylaısha jastar praktıkasy sheńberinde jumys tapqan maman jastardy baǵdarlamaǵa qatysýǵa shaqyrady.
Bıyl qalalyq jumyspen qamtý ortalyǵy tarapynan 2500 jasty atalǵan baǵdarlama aıasynda jumysqa ornalastyrý josparlanǵan. Jastar praktıkasy boıynsha tájirıbe jınaqtap júrgen túlekterge 25 AEK kóleminde jalaqy tólenedi. Jyl basynan beri 600-den astam shymkenttik jas tájırıbeden ótýde.
