Ekijaqty áńgime kezinde qos el kúsh qurylymdary arasyndaǵy ornaǵan qarym-qatynasqa tolyqtaı rızashylyq bildirdi. Taraptar áńgime kezinde qos el kúsh qurylymdary arasyndaǵy ornaǵan qarym-qatynasqa tolyqtaı rızashylyq bildirdi.
Kezdesý barysynda Ulttyq ulan Bas qolbasshysy general-leıtenant Rýslan Jaqsylyqov qonaqtardy quqyqtyq tártip áskeriniń qyzmettik-jaýyngerlik áreketi jáne atqaratyn negizgi mindetterimen tanystyryp ótti.
Sondaı-aq Qazaqstan Ulttyq ulany men Belarýs IIM ishki áskerleri arasynda quqyq qorǵaý salasyndaǵy yntymaqtastyqty damytýdyń kókjıekteri men ózara qarym-qatynasty nyǵaıtýdyń joldaryn atap ótti.
Elordadaǵy is-sapary kezinde Belarýs eliniń delegasııasy Ulttyq ulannyń Áskerdi basqarýdyń ortalyǵynyń múmkindikteri, 5573 áskerı bóliminiń qyzmettik-jaýyngerlik áreketi jáne áskerı qalashyqtyń ınfraqurylymymen tanysyp, QR Tuńǵysh Prezıdenti – Elbasy atyndaǵy Ulttyq qorǵanys ýnıversıtetinde bolyp qaıtty.
Sapar aıasynda eki el kúsh qurylymdarynyń jetekshileri Ulttyq ulan Bas qolbasshylyǵy aýmaǵyndaǵy «Dostyq alleıasynda» ózara qarym-qatynasty nyǵaıtýdyń belgisi retinde birlesip aǵash otyrǵyzdy. Ári qaraı belorýsstyq delegasııa elimizdiń Almaty, О́skemen jáne Semeı qalalaryna sapar shegip, onda Ulttyq ulannyń arnaıy maqsattaǵy bólimshelerge arnalǵan Jaýyngerlik jáne ádistemelik daıyndyq ortalyǵy jáne Daǵdarysqa qarsy oqý ortalyǵynyń múmkindikterimen tanyspaq.
