«Koronavırýsqa qarsy vaksınalaý jalǵasyp jatyr. Búginde vaksınanyń 2,6 mln dozasy qoldanyldy. Onyń ishinde birinshi komponentpen 1 871 823 adam ekpe aldy. Ekinshi komponentpen 778 346 adam qamtyldy», dedi mınıstr.
Sonymen qatar ol Bas memlekettik sanıtar dárigerdiń Spýtnık V vaksınasynyń birinshi komponentinen keıin ekinshisin alý aralyǵyn 21-den 90 kúnge deıin uzartýǵa qatysty qaýlysyna ózgertý engizilgendigin atap ótti. Iаǵnı, azamattar ekinshi komponentti birinshisin alǵannan keıingi 21 kúnnnen bastap saldyra alady.
«Búginde ekpe pýnktterinde vaksınanyń jetkilikti dozasy bar: shamamen 500 myń birinshi komponent jáne 750 myń ekinshi komponent. Vaksınany jetkizý de kestege sáıkes júrgizilip jatyr. Atap aıtqanda, 14 mamyrda Qaraǵandy farmasevtıkalyq zaýytyna Spýtnıka V óndirýge arnalǵan sýbstansııa jetkizildi. Qazirgi ýaqytta vaksınanyń 1,2 mln dozasyn kezeń-kezeńimen óndirý júrgizilip jatyr. Sonymen qatar aıdyń sońyna deıin qosymsha KazVac jáne Haıat Vak vaksınalarynyń jetkiziletindigi kútiledi», dedi Alekseı Soı.
