«38 myńnan astam palestınalyq bas saýǵalap Birikken Ulttar Uıymynyń qamqorlyǵyndaǵy 48 mektepke ornalastyryldy. 2,5 myńnan astam adamnyń úıi qırap, múlde baspanasyz qaldy. 41 bilim berý orny, 2 balabaqsha, Birikken Ulttar Uıymynyń palestınalyq bosqyndarǵa kómek berý agenttiginiń kásiptik ortalyǵy men joǵary bilim berý mekemesi qırady. Gazaǵa elektr jaryǵyn berý kúnine 8 saǵattan 6 saǵatqa qysqardy. Densaýlyq saqtaý, sý berý júıelerine, káriz qubyrlaryna zaqym keldi», dedi BUU bas hatshysynyń resmı ókili Stefan Dıýjarrık.
Aıta keteıik, Associated Press agenttiginiń málimetinshe, evreı áskeriniń áýe shabýyldarynan qaza tapqandar sany 212 adamǵa jetti. Qurbandar arasynda 61 bala men 36 áıel bar. Taǵy 1400-den astamy jaraqat alǵan. Al HAMAS atqylaǵan zymyrandardan 10 ızraıldik ajal qushqan.
