Jobanyń birinshi kezeńi aıasynda 2021 jyly uzyndyǵy 46,4 km velojol jáne velosıped qoıatyn 22 oryn (Bike Velo) qarastyrylǵan.
Qazir Almaty aýdanyndaǵy Abylaı han, Ǵ.Mustafın, Sh. Qudaıberdiuly, R. Qoshqarbaev dańǵyldarynda (uzyndyǵy 4,5 km)jumystar bastaldy.
Odan ári qurylys jumystary myna ýchaskelerde jalǵasady: №2 – B.Momyshuly dańǵyly, Qoshqarbaev kóshesi, Aınakól kóshesi; №3 – A. Baıtursynov kóshesi, Qaldaıaqov kóshesi, Táýelsizdik dańǵyly; №4 – Pýshkın, Amman, A. Toqpanov, Qajymuqan, Q.Sátpaev kósheleri, Jumabaev dańǵyly.
2022 jylǵa arnalǵan 2-kezeńde uzyndyǵy 35,908 km velojol jáne velosıped qoıatyn 18 oryn (Bike Velo) qarastyrylǵan.
2023 jylǵy 3-kezeńde uzyndyǵy 39,4 km velojol jáne velosıped qoıýǵa arnalǵan 11 oryn (Bike Velo) salý kózdelgen.
Aıta ketý kerek, velosıped joldarynyń boıynda velosıpedterge arnalǵan turaqtar jobalanǵan. Árbir 100 metrden keıin velosıpedshilerge arnalǵan qıǵash ornatylǵan qoqys jáshigi qoıylady.
Velojol boıynda oryndyqtar, velosıpedshilerge arnalǵan 8 oryndyq turaq jáne qoqys jáshigi kózdelgen. Sondaı-aq «Astana Bike» velo-sharing júıesin jalǵa berý oryndary da qoıylady.
Sonymen qatar, keıbir tustarda velosıpedshiniń qaýipsizdigin qamtamasyz etetin qorshaýlar salynady. Velosıped ınfraqurylymynda jol belgileri, taǵandar, tańbalar jáne dabyl baǵanalary ornatylady.
