Almaty oblysy ákiminiń baspasóz qyzmetiniń málimetinshe, koronavırýsty juqtyrǵandardyń basym bóligi – taldyqorǵandyqtar.
Taldyqorǵan qalasynda 22 jaǵdaı, Talǵar aýdanynda – 16, Jambyl aýdanynda – 15, Qarasaı aýdanynda – 10, Panfılov aýdanynda – 9, Uıǵyr aýdanynda – 8, Eńbekshiqazaq aýdanynda – 6, Tekeli qalasynda – 5, Eskeldi aýdanynda – 4, Ile jáne Qaratal aýdandarynda 3 jaǵdaıdan, Kerbulaq jáne Kóksý aýdandarynda 2 jaǵdaıdan, Aqsý, Balqash, Kegen aýdandary men Qapshaǵaı qalasynda 1 jaǵdaıdan tirkeldi. О́ńir «sary» aımaqta.
«Aýrýhanalarda 2014 adam em qabyldaýda. Sonyń 48-iniń jaǵdaıy aýyr. Bir táýlikte 114 adam aýrýhanalarǵa em qabyldaýǵa jatqyzyldy. Juqpaly aýrýlar stasıonarlaryndaǵy oryndar 42%-ǵa tolǵan», delingen vedomstvonyń habarlamasynda.
О́tken táýlikte oblys boıynsha 290 adam koronavırýs indetinen emdelip shyqty.
«Sońǵy 3 kúnde 5804 adamnyń synamalary PSR zerthanalarda tekserildi. Naýqastarmen qarym-qatynasta bolǵan 226 adam anyqtalyp, barlyǵy úı karantınine jáne medısına qyzmetkerleriniń baqylaýyna alyndy», dep tolyqtyrdy Almaty oblysy ákiminiń baspasóz qyzmetinen.
