Oblystyq densaýlyq saqtaý basqarmasy baspasóz qyzmetiniń aqparatyna súıensek, vaksına dozalary 41 egý beketine bólinedi.
«Búgin, 18 mamyrda óńirge Aqtóbedegi farmasevtıkalyq habynan «Spýtnık V» vaksınasynyń II komponentine arnalǵan 7 650 doza jetkizildi. Vaksına dozalaryn egý beketterine bólý jáne tasymaldaý júrgizilýde. Qazir óńirde 41 ekpe beketi jumys isteıdi. Onyń ekeýi Teńiz ken ornynda, HQKO-da, «Tamasha», «Kóktem», «Atyraý», «Baızar», «Dına» saýda ortalyqtarynyń árqaısysynda bir-birden ekpe beketi ashyldy. Budan basqa, qalalyq, aýdandyq emhanalar janynda 23, sondaı-aq, 10 jyljymaly bekette turǵyndarǵa vaksına salynady», dep málim etti basqarmanyń baspasóz qyzmetinen.
