Shıki buıryqtyń shyrǵalańy

Qalalyq bilim bóliminiń bas býhgalteri Nurlygúl Bıjigitova bul máseleden habardar eken.

Jalpy, biliktilik kategorııalary arnaýly komıssııanyń sheshi­mi­men beriledi. BǴM 2021 jylǵy 14 qańtardaǵy buıryǵy boıynsha ustazdar men tárbıeshiler jylyna 15 maýsym men 15 jel­toq­san­da eki ret jiberiledi. Sonyń ishinde 15 maýsymǵa deıin biliktilik ka­te­gorııalaryn alǵandarǵa 1 qyr­kúıek­ten bastap qosymsha aqy tólenýde, al 15 jeltoqsannan alǵandarǵa 1 qań­tardan bastap tó­leý­ge naqty buıryq bolmaǵan soń, esepshiler saqtanyp otyrǵan kórinedi.

Oblystyq bilim basqar­masy­nyń basshysy G.Kárimova da osy másele boıynsha oblystyq bilim jáne ǵylym qyzmetkerleriniń salalyq kásipodaǵynyń basshy­sy B.Aıýpovqa jaýap bergen. 2021 jyldyń 14 sáýirinde jazǵan hatynda ol BǴM-nyń jo­ǵa­ry biliktilik ka­tegorııalaryn alǵan­darǵa 1 qyr­kúıekten bas­tap qosymsha tóle­nedi degen buıryǵyna odan ári «sonymen qatar attestasııanyń qory­tyn­dys­y boıynsha biliktilik kate­gorııa­syn alǵandarǵa 1 qań­tar­dan bastap qosymsha tóle­ne­di» degen ózgerister engizý usy­nyl­­dy dep aıtqan. Osy ózgeris­pen mınıstrlik jańa buıryq shy­ǵar­sa, 15 jeltoqsanǵa deıin kategorııa alǵandarǵa da qosymsha tólenetin kórinedi. Biraq osy usy­­nyl­ǵan ózgeriste de 15 jel­toq­­­­sannan biliktilik kategorııa­syn alǵandarǵa dep naqty kór­se­til­­megen.
Sózdi jep qoıý, buıryqty anyq, naqty jasaı almaý saıyp kel­gende, halyqtyń zardap she­gýi­ne soqtyrady.

PETROPAVL