«Túrkistan Arenada» jergilikti «Turan» Oraldyń «Aqjaıyǵyn» qabyldady. Bul kezdesýdiń birinshi kezeńinde esep ashylmady. Desek te úzilisten keıin jaǵdaı kúrt ózgerdi. 71 men 75 mınýttar aralyǵynda Nıkolaı Kovtalıýktiń soqqan qos goldyń arqasynda qonaqtardyń mereıi ústem boldy – 0:2.
Biraz ýaqyttan beri jeńiske jete almaı, óz jankúıerleriniń kóńiline selkeý túsirgen «Qaırat» bul týrda kózdegen maqsatyna qol jetkizdi. Almatyda ótken matchta olar «Aqtóbeniń» qaqpasyna tórt dop salsa, qarsylastary nysanany eki ret dál kózdedi – 4:2. «Qaırattyń» sapyndaǵy Artýr Shýshenachev (7, 36 mınýttar) dýbl avtory atansa, Hose Kante (51 mınýt) men Neboısha Kosovıch (86 mınýt) bir-bir goldan soqty. Qonaqtar arasynda Dıdar Jalmuqan (41 mınýt) men Erveın Mýkam 54 (54 mınýt) óz múmkindikterin qalt jibermedi.
Qyzylordada jergilikti «Qaısar» «Astanaǵa» 2:5 esebimen ese jiberdi. Alǵashynda Marın Tomasov (31 mınýt) pen Varazdat Aroıan (37 mınýt) elordalyq klýbty alǵa shyǵardy. Birinshi taım aıaqtalar tusta Maks Potapov (44 mınýt) esep aıyrmashylyǵyn qysqartqanymen, Ebong Ngome (45 mınýt) kózdi ashyp-jumǵansha qaıta dopty torda týlatty. Úzilisten keıin Tomasov (47 mınýt) pen Roman Murtazaev (61 mınýt) mergendik tanytsa, Stefan Denkovıchtiń (87 mınýt) 11 metrlik núkteden kezdesýdiń sońǵy núktesin qoıdy.
