Oblystyq polısııa departamenti baspasóz qyzmetiniń málimeti boıynsha, atalǵan faktige qatysty Qazaqstan Respýblıkasy QK-niń 296-babyna sáıkes sotqa deıingi tergeý amaldary júrgizilýde.
«Jedel izdestirý is-sharalarynyń nátıjesinde esirtki qylmysyna qarsy is-qımyl bóliminiń qyzmetkerleri «Toyota Carina» markaly avtokóliginiń salonynan erekshe ıisi bar ósimdik tektes zat salynǵan polıetılen paket pen úsh brıket aldy. Saraptama qorytyndysy boıynsha tárkilengen zat salmaǵy 12 keliden asatyn keptirilgen marıhýana esirtki quraly bolyp shyqty», dedi Pavlodar oblysy polısııa departamenti bastyǵynyń orynbasary Jasqaırat Qaıyrov.
Kúdikti retinde Ekibastuz qalasynyń 25 jastaǵy turǵyny qamaýda otyr.
