Atalǵan joba mýzeıdiń qalpyna keltirý isi men mýzeılik eksponattaryn kórsetýdi, túngi ekskýrsııalar men dárister ótkizýdi qamtydy.
Qalyptasqan dástúr boıynsha bul kúni Ortalyq mýzeı saǵat 10.00-den bastap 17.00-ge deıin Ashyq esik kúnin jarııalady.
Mádenıet oshaǵy Almaty qalasyndaǵy IýNESKO Klasterlik bıýrosymen birige otyryp halyqaralyq aýdıtorııany qamtıtyn «Ortalyq Azııa men Ázeırbaıjannyń mýzeıleri» atty halyqaralyq joba uıymdastyrǵan bolatyn. Joba aıasynda Ortalyq Azııa mýzeıleri men Memlekettik ortalyq mýzeıdiń ekspozısııalyq zaldary men biregeı kolleksııalary kórsetildi.
Sondaı-aq bıyl alǵash ret Ortalyq mýzeıdiń bastamasymen «Mýzeı túni 2021» onlaın-jobasy aıasynda otandyq mýzeılermen birlesip mýzeılik estafeta shymyldyǵy túrilgenin aıta ketken jón.
Mýzeı restavratorlarynyń qatysýymen «Qalpyna keltirýdiń qupııalary» atty trenıng, sondaı-aq «Mýzeılik zattardy qalpyna keltirýdiń negizgi qaǵıdalary men ádisteri» onlaın-dárisi óner súıer qaýym úshin taptyrmas múmkindik týdyryp otyr. Onyń barysynda mýzeı restavratorlary óz kásibı sheberlikteriniń syryn ashyp, kilem-kıiz, zergerlik buıymdar, qysh buıymdary, mata men keskindeme syndy túrli sıpattaǵy artefaktilerdi qalpyna keltirýdiń qyr-syryn kórermenge pash etti.
Odan ózge, «Mýzeı túni 2021» onlaın-jobasyn iske asyrý barysynda mýzeı qyzmetkerleri «Ǵylym ordasyndaǵy» Tabıǵat mýzeıimen birigip «Paleontologııalyq eksponattar men janýarlar tulybyn qaıta qalpyna keltirý» onlaın-sheberlik sabaǵyn ótkizdi. Restavratorlardyń jumysymen tanystyrǵan jetekshi ǵylymı maman, b.ǵ.k., Amerıkalyq ǵylym akademııasynyń akademıgi P.A.Tileýberdına Qazaqstan aýmaǵyn mekendegen joıylyp ketken ejelgi janýarlardyń qańqasymen tanystyrdy. Mýzeıdiń restavratorlary janýarlardyń tulyptaryn qalpyna keltirý men paleontologııalyq artefaktilerdiń mýlıajdaryn daıyndaý týraly aıtyp berdi.
"Mýzeı túni 2021" onlaın-jobasy aıasynda «MASATYDAI QULPYRǴAN…» kórmesiniń negizinde kilem-toqyma buıymdarynyń daıyndalý barysy kórsetildi (ekspozısııaǵa jan bitirý arqyly). Sonymen birge «b.z.d. HIII-IHǵǵ. Andronov mádenıeti dáýirine saıahat» túngi ekskýrsııasy kórermender nazaryna onlaın formatta usynyldy. Sondaı-aq Almaty qalasynyń sándik-qoldanbaly óner sheberleri men sýretshileri, onyń ishinde Kúlán Janǵutty, Tamara Volkova, Berdibek Shoqparov, Ryskeldi Musaev syndy belgili mádenıet qaıratkerleriniń qatysýymen «Shebermen syrlasý» atty onlaın-kezdesý órbidi.
Qazaqstan Respýblıkasy Memlekettik ortalyq mýzeıi dástúrli túrde uıymdastyratyn «Mýzeı túni» jobasy onlaın keńistiktegi kórermenderdi meılinshe qamtydy.
«Mýzeı túni» onlaın-jobasy Otandyq jetekshi arnalar men basylymdar arqyly el aýmaǵyna tarady.
