MURAǴAT DEREKTERI SYR ShERTEDI

Uly Jeńistiń 65 jyldyǵy qarsańynda búginde qujattar men jańa tarıh ortalyǵy dep atala­tyn qalalyq muraǵattan surapyl soǵys jyldarynan syr shertetin túrli derekter oqtyn-oqtyn ta­by­lyp qalyp jatyr.Aıtalyq, bir derek semeılik Kenjebek Shá­kenov Dneprden ótkendegi kózsiz erligi úshin Keńes Odaǵynyń Batyry ataǵyn 1944 jyly keńes áskeriniń kúni qarsańynda alǵan­dyǵyn aıǵaqtaıdy. Al ekinshi bir derek keler jylǵy dáp osyndaı mereke kúni semeılik jerlesterin taǵy bir Keńes Odaǵynyń Baty­ry Vasılıı Shýlıatnıkovtyń qut­tyqtaǵany jóninde syr shertedi. Táýelsiz elimiz egemendikke qol jetkizgennen bergi jerde bizde Otan qorǵaýshylar kúni bas­qa kúnge aýystyrylǵany barsha­myzǵa málim. Solaı deı turǵan­men, tarıhtyń aty tarıh. Sondyqtan ótkendi de birjolata syzyp tastaýǵa bolmaıdy. Endi joǵaryda atalǵan orta­lyqtan tabylǵan myna bir derek­ke kóńil aýdaraıyq. Maıdanger Nasyr Kenbaev 1943 jyly eldegi qalyńdyǵy Átına Qasymbeko­vaǵa kezekti bir hatyn joldamaı ma. О́kinishke qaraı, ol hat ıesi­niń qolyna tımeı joǵalyp ke­tedi. Bul eki aralyqta maıdanger soǵystan aman-esen oralyp, súı­gen jaryna qosylady. Sodan arada uzaq ondaǵan jyldar ótken soń Uly Otan soǵysy týraly te­ledıdardan habar kórip otyrǵan Nasyr aqsaqal óziniń qolymen jazylǵan álgi hatty kórip qalady. Osyǵan deıin de, sodan keıin de talaı kórmege qoıylǵan hattyń túp nusqasy aqyry hat ıeleriniń qolyna tıedi. Búgingi kúni jastary toqsanǵa jaqyndap qalǵan Nasyr aqsaqal men Átına áje balalar, nemere- shóberelerimen, aǵaıyn-týysta­ry­men birge Jeńistiń 65 jyldy­ǵyn qarsy alýǵa qamdanyp otyr. Dáýlet SEISENULY,Semeı.