Oblystyq polısııa departamenti tergeý basqarmasynyń basshysy Nurmuhambet Mýtalıevtyń aqparatyna qaraǵanda, onyń ishinde ınternet-alaıaqtyqqa baılanysty 407 derek anyqtalypty.
«Atyraýda ınternet-alaıaqtyq áleýmettik jeliler men habarlandyrý saıttary arqyly kóp jasalady. Soǵan baılanysty oblystyq polısııa departamenti jyl basynan beri «Anti Fraud» jedel-profılaktıkalyq is-sharasyn uıymdastyrdy. Sonyń nátıjesinde ótken jyldarda jasalǵan 21 quqyq buzýshylyq anyqtalyp, qazir tergep-tekserý amaldary júrgizilýde», dedi tergeý basqarmasynyń bastyǵy Nurmuhambet Mýtalıev.
Al, krımınaldy polısııa basqarmasy basshysynyń orynbasary Aman Izmaǵambetovtiń málimetinshe, Ishki ister mınıstrliginiń tapsyrmasyna sáıkes 2021-2022 jyldarǵa arnalǵan aqparattyq tehnologııalarmen jasalatyn alaıaqtyqty anyqtaý, tergeýge baılanysty arnaıy baǵdarlama daıyndalypty.
«Tergeý kezinde alaıaqtyq qylmysyn ózge óńirdiń turǵyndary jıi jasaıtyny anyqtalyp otyr. Sonyń ishinde óskemendik turǵynnyń 13 epızodqa qatysy dáleldendi. Al, Pavlodar qalasy turǵynynyń 8 derekke qatysy bar bolyp shyqty. Qazir bul isterge qatysty prosessýaldyq sheshimder qabyldandy», dedi Aman Izmaǵambetov.
