Jedel-izdestirý is-sharalarynyń nátıjesinde kúdiktiniń turǵylyqty mekenjaıyna tintý, tergeý áreketin júrgizý barysynda páterinen 103 polıetılen paketke salynǵan ósimdik tektes zat tabylyp, tárkilendi. Saraptama qorytyndysy onyń 10 keliden astam keptirilgen marıhýana ekenin anyqtady.
Kúdiktiniń bul zatty jeke paıdalaný úshin saqtaǵany belgili boldy. Ol buryn Qazaqstan Respýblıkasynyń Qylmystyq Kodeksiniń 300-baby boıynsha sottalyp, 2018 jyly bostandyqqa shyqqan.
Kúdikti Qyzylorda qalalyq Polısııa basqarmasynyń ýaqytsha ustaý ızolıatoryna qamaldy.
Atalǵan derek boıynsha Qazaqstan Respýblıkasy Qylmystyq Kodeksiniń 296-babynyń 4-bóligi (Esirtki quraldaryn, psıhotroptyq zattardy, sol tektesterdi asa iri mólsherde ótkizý maqsatynsyz zańsyz daıyndaý, qaıta óńdeý, satyp alý, saqtaý, tasymaldaý) boıynsha sotqa deıingi tergep-tekserý amaldary júrgizilýde.
Aıta keteıik, atalǵan qylmys úshin 3 jyldan 7 jylǵa deıin bas bostandyǵynan aıyrý jazasy qarastyrylǵan.
Qyzylorda qalasy boıynsha jyl basynan barlyǵy 42 esirtki qylmysy anyqtaldy.
