«Resmı statıstıkalyq málimetterge sáıkes, 2020 jyly ajyrasýlar sany 2019 jylmen salystyrǵanda tómendegen. 2019 jyly - 42,9% bolsa, 2020 jyly bul kórsetkish 37,2% quraǵan. «Mereıli otbasy» baıqaýy otbasy men nekeniń jaǵymdy úlgisin dáripteýge, otabsylyq mártebesin arttyrýǵa baǵyttalǵan úlken ımıdjdik joba. Ol qazirgi kezde otbasy qundylyqtaryn nyǵaıtýǵa úlken septigin tıgizedi dep oılaımyn. Budan bólek, jergilikti atqarýshy organdarda da, ortalyq deńgeıde de birqatar iri jobalar iske asyrylady. Mysaly, 2020 jyly 91 joba uıymdastyryldy. 2021 jyly olardyń sany 124-ke jetti», dedi Sh.Baımanov.
Onyń aıtýynsha, bul jobalar otbasylyq qundylyqtardy nyǵaıtýǵa, ınstıtýsıonalızasııalaý, jastar arasynda reprodýktıvti densaýlyq, ártúrli konsýltasııalyq qyzmetter kórsetýge baǵyttalǵan. Sondaı-aq ár óńirde jas otbasylarǵa túrli konsýltasııalyq qyzmetter usynatyn «Baqytty otbasy» ortalyqtary ashyldy.
Aıta keteıik, bıyl «Mereıli otbasy» konkýrsy ózgeshe tártippen ótetini jaıynda habarlaǵan edik.
