QAZAQY JOLMEN QAMQORLYQ JASASAQ

О́tken qys maldy aýylǵa óte aýyr boldy. Saqyldaǵan sary aıaz ben aq tútek boran kezek al­masyp, eldiń esin shyǵardy. Asyǵa kútken kóktem basynyń ózi jaısyz tıgeni málim. Almaty oblysynyń Qy­zylaǵash aýylyn­daǵy, odan keıin Shyǵystyń Tarbaǵataı óńirindegi tabıǵat apaty saldary alystaǵy bizdiń de janymyzǵa qatty batty. Tórt túlik qazaqtyń ejelden kún­kóris kózi. Maldyń tosyn shy­ǵyny qashanda zor zardap bolǵan. Baýyrlarymyz  basyna túsken aýyrtpalyqty osyndaı shaqta birge kótermesek  aǵaıyn­dy­ǵymyz qaı­sy. Táýbe, buǵan deıingi jyldarǵa qaraǵanda bú­gingi  jaǵdaıymyz shú­kirshilik. Qazaqy taza nıet-peıil tany­tylatyn kez-aq qoı qazir. Ras, Úkimet sý tasqynynan zar­dap shekkenderge barynsha kómek jasap jatyr. Azyq-túlik, kıim-keshek, qurylys materıal­dary jaǵynan kemshin joq sııaqty. Al mal shyǵyny ornyn toltyrýǵa kelgende qıyndyq bar ma dep oı­laımyz.  Áýelde  túlik túrin satyp alýǵa tómengi paıyz­ben nesıe beriletindigi aıtyldy. Budan soń saqtandyrylǵan mal­dyń ǵana quny óteledi delindi. О́z ómirin saq­tandyrýǵa samar­qaý qaraıtyn qazaq qoradaǵy malyn saqtan­dyrýshy ma edi. Osy oraıda aıtpaq oıymnyń  túıini mynadaı.Úkimet óz tara­pynan járdemin jasaı bersin. Al biz qıyndyqqa tap bolǵan aǵa­ıyndarymyz aldyna  babalar úlgi­simen mal salyp bergendi jón kóremiz. Máselen, ıeliginde 100 jylqysy nemese 100 sıyry bar sharýa qojalyǵy tıisinshe 1 baıtal, 1 qunajyn, 300 qoıly fermer 10 tusaq usynsa deımiz.  О́zim Tarbaǵataı aýdanyndaǵy Jantikeı aýyly turǵyndary qolyna 20 tusaq tapsyrýǵa oıym bar. Qar­qa­ralylyq Qaıdar Bý­rabaev, Razaq Álın, Turar Ahmet­shın, Baǵdat Shahmerdenov­teı árdaıym jurtqa janashyr aǵalarym  meniń osy usynysym­dy qoldap otyr. “Kóp túkirse kól” degen halqymyz. Mundaı qamqorlyqty jappaı kóterip áketsek, baýyrlarymyzdyń jaǵdaıy tez ońalary talassyz. Aspandııar SEISENULY, “Arqa tańy” sharýa qojalyǵynyń jetekshisi. Qaraǵandy oblysy, Abaı aýdany, Aqbastaý aýyly.