Egis naýqanyn qarjylandyrý aıaqtaldy

Bıyl 2 611 aýyl kásip­ke­­rine 70 mlrd teńge kóle­min­de bıýdjettik qaryz beril­di. «Keń dala» kredıt berý baǵ­dar­lamasy boıynsha jyl­dyq 5 paıyzǵa deıin jeńil­detilgen mólsherlememen 3,3 mln gektar alqaptaǵy jumys­tar qarjylandyryldy. О́tinim­der­diń basym bóligi ádettegideı Soltústik Qazaqstan, Qostanaı, Aq­mola, Túrkistan oblystarynan kelip túsken. Máselen, Túrkistan oblysynyń ózinde bıyl 1 438 aýyl sharýashylyǵy taýaryn óndirýshi jalpy somasy 5,7 mlrd teńge bolatyn jeńildetilgen qaryzdy aldy.

Korporasııa 2016 jyldan bastap kóktemgi egis jáne egin jınaý jumystarynyń iri qar­jylyq operatory bolyp sanalady. Bul maqsattardy iske asyrýǵa respýblıkalyq bıýdjet­ten jyl saıyn jeńil­de­til­gen qaryz túrinde qarajat bólinedi. Byltyrdan beri Memleket basshysy Qasym-Jomart Toqaevtyń tapsyrmasy boıynsha kóktemgi egis jáne egin jınaý jumystaryn ótkizý somasy 70 mlrd teńgege deıin ul­ǵaı­tyldy.

«Keń dala» baǵdarlamasynyń nátıjesinde fermerler egin egý naýqanyn ýaqytynda bastaýǵa múmkindik aldy. Pestısıdter men tyńaıtqyshtardy, sapaly tuqymdar men janar-ja­ǵar­maıdy, aýyl sharýa­shy­ly­ǵy tehnıkasyn jóndeýge arnalǵan qosalqy bólshekterdi satyp alýǵa aınalym qarajatyn to­lyq­tyrdy. Qaryz jyldyq 1,5 pa­ıyzdan bastap, sońǵy qaryz alýshy úshin jyldyq 5 paıyzdan aspaıtyn jeńildetilgen paıyzdyq mólsherleme boıynsha beriledi.

Kóktemgi dala jumys­ta­ry­nyń maýsymy óte qysqa ýa­qytty qamtıdy. Shekteýli mer­­zim ishinde kredıt berý kezin­de sharýashylyqtar men agro­qurylymdardan túsken óti­nimderdiń úlken aǵyny qa­lyp­ta­sady. Mysaly, bıyl 2 611 ótinim berilgen. Bul ótken jylǵy kórsetkishten 7 paıyzǵa artyq.

Kredıt berý merzimderin barynsha jedeldetý jáne qoljetimdiligin arttyrý, son­daı-aq aýyl sharýashylyǵy taýaryn óndirýshilerdiń kóp bóli­gin qamtý maqsatynda Agrar­lyq nesıe korporasııa­sy qorlandyrý arqyly basqa qarjy ınstıtýttarynyń múm­kin­­dikterin paıdalanady. Bul qatarda 30 myńnan astam aýyl sharýashylyǵy taýaryn óndi­rý­shi­ni biriktirip otyrǵan ekinshi deńgeıli bankter, mıkroqarjy uıymdary jáne 217 kredıttik seriktestik bar.

Bıyl 70 mlrd teńgeniń 63 mlrd teńgesi qarjy ınstıtýtta­ryn qorlandyrý arqyly bólin­di.