Keńes barysynda topografııalyq qyzmetterdiń ózara is-qımyly, áskerı maqsattaǵy biryńǵaı geoaqparattyq júıeni damytý tujyrymdamasyn iske asyrý máseleleri qaraldy. Taktıkalyq býyndy basqarýdyń biryńǵaı júıesin topogeodezııalyq jáne navıgasııalyq qamtamasyz etý tujyrymdamasyn bekitý rásimderi, sonymen qatar TMD-ǵa múshe elder qarýly kúshterine qaraıtyn topografııalyq qyzmetterdiń 2022 jylǵa arnalǵan birlesken is-sharalar jospary talqylandy.
– Osyndaı is–sharalardy ótkizý TMD-ǵa múshe elder qarýly kúshteriniń topografııalyq qyzmetteri arasynda áskerı maqsattaǵy biryńǵaı geoaqparattyq júıeni qurý salasynda biryńǵaı joryqtardy ázirleý boıynsha ózara is-qımyl deńgeıin arttyrýǵa jáne kúsh-jigerdi biriktirýge yqpal etedi, – dedi QR Qarýly Kúshteri Bas shtaby Geoaqparattyq qamtamasyz etý departamentiniń bastyǵy polkovnık Serik Joldybaev.
«Adýıskıı» polıgonynda ótken ádistemelik oqý-jattyǵý jıyny kezinde taktıkalyq býyn bólimshelerin dalalyq jaǵdaıda jer týraly geokeńistik aqparatymen (elektrondyq kartalarmen, jergilikti jerdiń 3D modelderimen) qamtamasyz etý boıynsha epızody kórsetildi.
Keńeske qatysýshylar Oral optıkalyq-mehanıkalyq zaýytyna baryp, topogeodezııalyq maqsattaǵy ónimdermen, onyń ishinde jahandyq navıgasııalyq jerserigi júıesiniń qabyldaǵyshtaryn kórip, olardyń baǵdarlamalyq jasaqtamasymen tanysty.
