Egistikter men agrarlyq kásiporyndarǵa ekspedısııa jasaý ıdeıasy egis jumystarynyń barysyn, egistikterdiń jaı-kúıin, óńirlerde jáne jalpy eldegi egin jınaý týraly jańa aqparatty habarlaý maqsatynda paıda bolǵan. AgroKerýen tek daqyldardy ósirý tehnologııalary jaıly aıtyp qana qoımaı, sonymen qatar fermerlerdiń jumysyn kórsetip, olardyń qıyndyqtary men máselelerin aıtý bolyp tabylady.
«AgroKaravan-Qazaqstan naryǵyndaǵy jańa jobalardyń biri. Bizdiń mindetimiz-agrarlyq naryqty zertteý, salanyń damýyn tutastaı kórsetý, fermerlerge ozyq agrotehnologııalardyń artyqshylyqtaryn túsindirý jáne olardy qoldaný úshin kásiporyndarmen tikeleı baılanys ornatý bolyp tabylady. AgroKaravan respýblıka aımaqtaryndaǵy aýyl sharýashylyǵyn óndirýshilerge tájirıbe almasýǵa kómektesedi», deıdi ElDala.kz portalynyń bas redaktory Sergeı Býıanov.
Bul joba onlaın rejıminde habarlanady: komanda músheleri kúndiz kásiporyndardy aralap, olarmen suhbattasady, kelesi kúni reportaj saıttyń AgroKaravan blogynda jarııalanady. Bul materıaldardan bıylǵy egin maýsymynyń erekshelikteri, problemalary men jetistikteri, daqyldardy ósirý tehnologııalary, agrotehnıkalyq zamanaýı tásilder, qoldanylatyn tuqymdar, ósimdikterdi qorǵaý quraldary men tańdalǵan tyńaıtqyshtardyń túrleri, paıdalanylatyn aýylsharýashylyq tehnıkalary týraly basqa da málimetterdi bilýge bolady. Sonymen qatar AgroKaravan osy salaǵa qatysty materıaldarǵa sholýlar men taldaýlar jasaıtyn bolady.
Birinshi týr 10 mamyrda Shyǵys Qazaqstan oblysynan bastaldy. Jalpy alǵanda AgroKaravan komandasy 6 oblysqa barady, olar – Shyǵys Qazaqstan, Pavlodar, Qaraǵandy, Aqmola, Qostanaı, Soltústik Qazaqstan oblystary. Kún saıyn AgroKaravan orta eseppen 300-500 km jol júrip, kem degende birneshe agrarlyq kásiporyndy aralaıdy.
Birinshi krop-týrdyń seriktesteri-elimizdegi jetekshi kásiporyndar boldy, atap aıtqanda, fosforly mıneraldy tyńaıtqyshtar óndirýshi «Qazfosfat», tuqym ósirýshi B-Agro, aýylsharýashylyq tehnıkalaryn shyǵarýshy- Rostselmash kompanııalary boldy.
