«Keıbir elder óz ishinde tuıyqtala bastady. Memleketaralyq qarym-qatynastar nasharlap, saýda báseńdedi, ózara kedergiler kóbeıdi. Biz jahandyq sıpattaǵy ári syrtqy spesıfıkalyq qysymdarmen baılanysty qıyndyqtardan óttik. Bizdiń odaqtyń jekelegen qatysýshylary sol synaqtardyń nysanyna aınalǵan kezder boldy. Bizdiń ıntegrasııanyń tyǵyz iske asýyn qalamaıtyn kúshter bar. Ondaı ýájderge berilýge bolmaıdy», dedi Elbasy.
Bul oraıda EAOE qurmetti tóraǵasy birneshe baǵytqa kóńil bólýdiń mańyzdy ekenin aıtty.
«Birinshisi – áleýmettik ınfraqurylym. Jaqyn jyldarda dári-dármek pen medısınalyq buıymdardyń naryǵyn tolyq qurý qajet. Ekinshisi – azyq-túlik qaýipsizdigi men agroónerkásip saıasaty. Bul baǵyttaǵy kooperasııany jedeldetip, azyq-túlik tapshylyǵyna jol bermeı, búkil keńistikte bıznestiń damýyna múmkindik jasaý kerek. Sarapshylardyń aıtýynsha, bul jyldary bankterde qalyptasqan 10 trıllıondyq ınflıasııa jalpy ınflasııa týyndatatyny anyq», dedi Nursultan Nazarbaev.
Tuńǵysh Prezıdent EAEO áleýetin Eýropa men Azııa naryǵynyń arasyndaǵy kópir retinde paıdalaný usynysy áli ózekti ekenin atady.
«Bizdiń odaqta óz aýmaǵymyzdaǵy elderdiń turǵyndaryn qamtamasyz etý úshin bári bar. Tek durys josparlap, durys koperasııa jasap, durys baılanys ornatý arqyly óz aýmaǵymyzda bar dúnıemen ózge elderdi qamtamasyz etýimiz kerek. Jýyqta azyq-túlik tapshylyǵyn mindetti túrde sezinemiz. Syrtqy baılanystar mańyzdy. Buǵan deıingi otyrystarda aıtqanymyzdaı, Eýropa men Azııa naryqtarynyń saýda kópiri jobasyn iske asyryp, bul iske Shanhaı yntymaqtastyq uıymyn da kiristirýimiz kerek», dedi N.Nazarbaev.
