Bul týraly aýdandyq polısııa bólimine 20 mamyrda saǵat 23:40 shamasynda habar túsken.
«Bir top jasóspirim Qulsary qalasyndaǵy Mahambet dańǵylynda ornalasqan «Iranbaq» dámhanasynyń aldynda ózara daýlasyp, shý shyǵarǵan. Osyǵan baılanysty jedel-tergeý toby kórsetilgen orynnan kámeletke tolmaǵan jasóspirimderdi anyqtap, polısııa bólimshesine jetkizdi. Olardyń túngi ýaqytta zańdy ókilderinsiz turǵyn úıden tys jerde júrgeni úshin ata-analaryna qatysty ákimshilik hattamalar toltyryldy» dep habarlady oblystyq polısııa departamentiniń baspasóz qyzmeti.
Qazir Jylyoı aýdandyq polısııa bólimi atalǵan qylmystyq quqyq buzýshylyq deregin jan-jaqty, tolyq ári obektıvti zertteý úshin Qylmystyq Kodekstiń 293-babymen (Buzaqylyq) sotqa deıingi tergeý júrgizip jatyr.
