Onyń ishinde 6 sybaılas jemqorlyq baptary, kásipkerlik qyzmet salasyndaǵy 2 quram jáne memlekettik bılik ınstıtýttaryna qol suǵatyn jáne ákimshilik nemese qylmystyq prosesterdi júrgizý kezindegi buzýshylyqtarǵa baılanysty 7 quqyq buzýshylyqty ataýǵa bolady.
«Qabyldanyp jatqan sharalardyń nátıjesinde 2021 jylǵy 17 mamyrdaǵy jaǵdaı boıynsha 42 ákimshilik hattama jasaldy, onyń ishinde 34 hattama sybaılas jemqorlyq quqyq buzýshylyqtar boıynsha», deıdi Sybaılas jemqorlyqqa qarsy is-qımyl agenttigi.
Kóp jaǵdaıda ákimshilik jaýapkershilikke jergilikti atqarýshy organdardyń, sondaı-aq memlekettik organdardyń jáne quqyq qorǵaý organdarynyń qyzmetkeri men jumyskerleri tartyldy.
Mysaly, ÁQBtK-niń 681-babyna sáıkes buryn sybaılas jemqorlyq quqyq buzýshylyq jasaǵan adamdardy jumysqa qabyldaý faktileri boıynsha Batys Qazaqstan oblysynyń sport jáne dene shynyqtyrý basqarmasynyń basshysy Esendııarov, Aqmola oblysynyń týrızm basqarmasynyń basshysy Ǵabdýllın, Aqtóbe oblysy Hromtaý aýdanynyń Mádenıet jáne tilderdi damytý bóliminiń basshysy Iаken ákimshilik jaýapkershilikke tartyldy.
Olardyń barlyǵyna 50-den 100 AEK-ke deıin ákimshilik jaza taǵaıyndaldy.
ÁQBtK–niń 676-babyna sáıkes jeke tulǵalarǵa zańsyz materıaldyq syıaqy berý boıynsha:
- Pavlodar oblysynda tirek–qımyl apparaty buzylǵan balalardy ońaltýdyń arnaýly áleýmettik qyzmetter kórsetý ortalyǵynyń bas býhgalteri Abeldınovadan oblystyq jumyspen qamtýdy úılestirý jáne áleýmettik baǵdarlamalar basqarmasynyń joǵary turǵan basshysy Altybaevaǵa 10 myń teńge kóleminde zańsyz materıaldyq syıaqy jáne jalpy quny 3 600 teńge bolatyn kámpıt qoraby men sharap bótelkesi túrindegi syılyq bergeni úshin 100 AEK mólsherinde (291,7 myń teńge).
- Atyraý oblysynda «Atyraý oblystyq veterınarlyq baqylaý jáne qadaǵalaý komıtetiniń aýmaqtyq ınspeksııasynyń» basshysy Bısenǵalıevtan Komıtet tóraǵasynyń mindetin atqarýshy Nurtazınaǵa quny 10 myń teńge bolatyn balyq ónimderi túrindegi zańsyz materıaldyq syıaqy bergeni úshin 100 AEK (291,7 myń teńge) kóleminde aıyppuldar óndirip alyndy.
Osyǵan uqsas faktiler Nur-Sultan, Almaty qalalary men Almaty, Jambyl, Aqtóbe, Qaraǵandy, Qyzylorda, Qostanaı jáne Soltústik Qazaqstan oblystarynda bar.
Sybaılas jemqorlyqqa qarsy qyzmettiń ákimshilik materıaldary boıynsha salynǵan aıyppuldardyń jalpy somasy 159,2 mln teńgeni qurady, 154,3 mln teńge óndirildi.
Sottar 9 ákimshilik is júrgizýdi qarady.
28 – qysqartylǵan óndiris tártibimen qaraldy (ÁQBtK 810 – baby), taǵy 4-eýi – sotta qaralýda, 1-eýi eskirý merziminiń ótýine baılanysty toqtatyldy.
