Qalanyń bas josparyna saı, zamanaýı atshabar kesheni Bozaryq turǵyn alabynda boı kóteretin bolady. Onyń alańy 39 gektardy quraıdy. Jańa nysanda – jabyny bar jasandy júgirý joly, jattyǵý alańy, at sporty boıynsha jarystar ótkizýge arnalǵan alań, jabyq minber, atqoralar, veterınarııalyq-profılaktıkalyq beket, sondaı-aq qurama jemge arnalǵan qoımalar men syıymdylyǵy 310 kólikti quraıtyn avtoturaq salý josparlanǵan.
Atshabar qurylysyn bıylǵy jyly bastalyp, 2022 jyldyń naýryz aıynda aıaqtaý josparlanýda. Bul jobany BI Group kompanııasy ýáde etkendeı óz qarjysy esebinen, áleýmettik joba retinde júzege asyrady. Qurylys jumystaryna 10 shaqty jergilikti kompanııalardan 200-ge jýyq adam tartylatyn bolady.
Qoǵamdyq keńes tóraǵasy N.Buharbaev jańa ıppodromnyń qurylysynyń sapasyn baqylaý maqsatynda belsendi top arasynan arnaıy komıssııa qurýdy usyndy. Iаǵnı, komıssııa músheleri atshabar qurylysyna qatysty óz talaptary men usynystaryn jetkize alady. Bul usynysty jobany júzege asyratyn BI Group kompanııasy qoldady.
Aıta keteıik, Báıdibek bı dańǵyly boıynda ornalasqan qazirgi ıppodrom jańa orynǵa kóshirilmek.
