BQO sanıtarlyq-epıdemııalyq baqylaý departamenti basshysynyń orynbasary Nurlybek Mustaevtyń óńirlik kommýnıkasııalar qyzmeti alańynda ótken brıfıngide málim etkenindeı, olardyń 237-si dástúrli sıpatta, 13-i qashyqtan sabaq beredi.
Sondaı-aq osy merzimde 554 oqýshydan (296-sy dástúrli túrde, 258-i qashyqtan bilim alady) indet tabyldy. Al oqý jyly bastalǵaly 1186 oqýshy (547-si dástúrli sıpatta, 547-si qashyqtan) koronavırýs juqtyrdy.
Nurlybek Ermekulynyń sózine qaraǵanda, kúni búgin qala men aýdandardyń bas memlekettik sanıtar dárigerleriniń qaýlysyna sáıkes 3 mektep, 26 mekteptegi 51 synyp, 5 balabaqshada 6 top, 1 shaǵyn ortalyq karantınge jabyldy.
«1 mamyrdan beri oblysta 2272 adam koronavırýspen aýyrsa, sonyń 56,8 paıyzy (1291) JRVI belgileri boıynsha tekserilgen, 32,4 paıyzy (738) buryn syrqattanǵandarmen qarym-qatynasta bolǵan. 9,7 paıyzy (222) profılaktıkalyq maqsatta qaralsa, 0,9 paıyzynan (21) stasıonarǵa jatqyzar aldynda synama alynǵan. Osy aıda 45199 PTR test zertteýleri (orta eseppen kúnine 2259) júrgizildi. Sońǵy aptada (14-20 mamyr) aldyńǵyǵa (7-13 mamyr) qaraǵanda, indet juqtyrý kórsetkishi 8,2 paıyzǵa (786-dan 721-ge) tómendedi», dedi N.Mustaev.
