Konferensııada Qazaqstan Respýblıkasynyń Tuńǵysh Prezıdenti – Elbasy N.Nazarbaevtyń jahandyq bastamalaryn jáne álemdik arenadaǵy qazaqstandyq modeldi nasıhattaý, mádenıetterdi jaqyndastyrý úshin kúsh biriktirý, sonymen qatar Ortalyq Azııa elderiniń mádenı-gýmanıtarlyq salasyndaǵy aımaqtyq yntymaqtastyqty odan ári tereńdetý máseleleri qaraldy.
Onlaın-konferensııaǵa Qazaqstan Respýblıkasy Aqparat jáne qoǵamdyq damý mınıstrligi Din isteri komıteti tóraǵasynyń orynbasary B.Bakırov, Konfessııaaralyq jáne órkenıetaralyq dıalogty damytý jónindegi N.Nazarbaev ortalyǵynyń Basqarma Tóraǵasy B.Sársenbaev, Qyrǵyzstannyń Qazaqstan Respýblıkasyndaǵy Tótenshe jáne О́kiletti Elshisi J.Kýlýbaev, Túrikmenstannyń Qazaqstan Respýblıkasyndaǵy Tótenshe jáne О́kiletti Elshisi B.Redjepov, Túrikmenstan Mádenıet mınıstriniń orynbasary N.Shırımov, Aýǵanstan qajylyq jáne din mınıstriniń orynbasary M. Osman Tarık, О́zbekstan Mınıstrler Kabıneti janyndaǵy Islam órkenıeti ortalyǵy dırektorynyń orynbasary F.Halımov, BUU Jahandyq kommýnıkasııa departamentiniń bastyǵy V.Samek, Túrikmen memlekettik ýnıversıtetiniń prorektory D.Annaev, Tájikstannyń Mádenıet jáne aqparat ǵylymı-zertteý ınstıtýtynyń dırektory D.Rahımı, Qyrǵyzstannyń Ulttyq strategııalyq zertteýler ınstıtýtynyń dırektory Ý.Ahmetov, IýNESKO-nyń Ortalyq Azııadaǵy klasterlik bıýrosynyń dırektory m.a. K.Tovmasıan, Tájikstannyń Mádenıet jáne aqparat ǵylymı-zertteý ınstıtýty dırektorynyń orynbasary Sh.Komılzoda, О́zbekstan Islam órkenıeti ortalyǵy bóliminiń bastyǵy S.Holhodjaev, QazUÝ áleýmettik damý jónindegi prorektor m.a. A. Masalımova, QazUÝ Dintaný jáne mádenıettaný kafedrasynyń meńgerýshisi A.Qurmanalıeva qatysyp, tushymdy pikirlerimen bólisti.
N.Nazarbaev ortalyǵynyń Basqarma Tóraǵasy Bolat Sársenbaev halyqaralyq forýmǵa qatysýshy sarapshylarǵa óz alǵysyn bildirdi. Sonymen qatar, Qyrǵyzstan men Tájikstan arasyndaǵy memlekettik shekaradaǵy qarýly qaqtyǵysqa alańdaýshylyq bildire otyryp, Qazaqstan Prezıdenti Q.Toqaevtyń qyrǵyz jáne tájik halyqtary biz úshin tarıhy, mádenı qundylyqtary ortaq baýyrlas el degen tujyrymdamasyna toqtaldy.
B.Sársenbaev óziniń quttyqtaý sózinde Álemdik jáne dástúrli dinder lıderleri Seziniń dinı toleranttylyq pen órkenıetaralyq dıalogty nyǵaıtýdaǵy mańyzdy rólin atap ótti. Sondaı-aq, búgingi konferensııaǵa qatysýshylar aldynda basty mindet - jalpy mádenı murany saqtaı otyryp, Ortalyq Azııany gúldengen aımaqqa aınaldyrý ekenin jetkizdi.
«Dıalog - aımaqtaǵy dostyq, ózara túsinistik pen turaqtylyq atmosferasyn nyǵaıtýdyń eń senimdi tásil. Mádenıetter men halyqtar arasyndaǵy tatýlyqty ortaq múdde, jalpyǵa ortaq qaǵıdat negizinde damytý múmkin bolady», dedi N.Nazarbaev ortalyǵynyń basshysy.
Bolat Sársenbaevtyń pikirin qoldaı otyryp, halyqaralyq sarapshylar Sez sheńberindegi Elbasy N.Nazarbaevtyń aıryqsha úlesine jáne Qazaqstan Respýblıkasynyń Prezıdenti Q.Toqaevtyń ártúrli konfessııalar arasyndaǵy beıbitshilik pen kelisim modelin qurýdaǵy aıryqsha róline basa nazar aýdardy.
Sonymen qatar konferensııaǵa qatysýshylar zamanaýı progressıvti álemde eń aldymen, áleýmettik, saıası jáne ekonomıkalyq salalarynda rýhanı úndestik pen kórshilik yntymaqtastyqtyń biriktirýshi faktory bolyp tabylatyndyǵyn rastady.
Is-sharany jalǵastyra otyryp, sarapshylar mádenı-gýmanıtarlyq jáne órkenıetaralyq dıalog baǵytynda kópjaqty is-qımyldy damytý máselelerin, onyń ishinde konferensııaǵa qatysýshy elderdiń aımaqaralyq qatynastaryn talqylady.
Sheteldik jáne qazaqstandyq sarapshylardyń sózderin qorytyndylaı kele, N.Nazarbaev ortalyǵynyń Basqarma Tóraǵasy B.Sársenbaev búgingi onlaın-konferensııa negizgi mindetterdi is júzinde sheshýge, alǵa jyljýǵa yqpal etetin taǵy bir qadam bolatynyna senim bildirdi.
«Ortalyq Azııa elderiniń XXI ǵasyrdaǵy mádenıetter tatýlastyǵy» halyqaralyq onlaın-konferensııasynyń qorytyndysy boıynsha qatysýshylar konfessııaaralyq jáne órkenıetaralyq dıalog máselelerin odan ári zerdeleý, máselelerdi sheshýde ózara is-qımyldyń turaqty mehanızmderin qalyptastyrý boıynsha tıisti usynystar ázirledi. Sondaı-aq, Ortalyq Azııa elderiniń, Álemdik jáne dástúrli dinder lıderleri Sezi men onyń ınstıtýttary arasynda yntymaqtastyqty jandandyrýǵa kelisti.
