Qylmystyq quqyq buzýshylyqtardyń aldyn alý jáne eskertý QR Sybaılas jemqorlyqqa qarsy is-qımyl agenttigi qyzmetindegi basymdyqtardyń biri – ákimshilik sybaılas jemqorlyq quqyq buzýshylyqtardyń jolyn kesý bolyp tabylady.
Onyń ishinde 6 sybaılas jemqorlyq baptary (ÁQBtK-niń 676-681-baptary), kásipkerlik qyzmet salasyndaǵy 2 quram ((ÁQBtK-niń 154, 173-baptary) jáne memlekettik bılik ınstıtýttaryna qol suǵatyn sondaı-aq ákimshilik nemese qylmystyq prosesterdi júrgizý kezindegi buzýshylyqtarǵa baılanysty 7 quqyq buzýshylyq (ÁQBtK-niń 658-662, 665, 667-baptary) bar.
Qabyldanyp jatqan sharalardyń nátıjesinde bıylǵy jyldyń 17 mamyryndaǵy jaǵdaı boıynsha 42 ákimshilik hattama toltyryldy, onyń ishinde 34 hattama sybaılas jemqorlyq quqyq buzýshylyqtarmen baılanysty.
Olardyń arasynda:
14 – 676 – bap boıynsha «Jeke tulǵalardyń zańsyz materıaldyq syıaqy berýi»;
10 – 681 – bap boıynsha «Buryn sybaılas jemqorlyq qylmys jasaǵan adamdardy jumysqa qabyldaý»;
4 – 677-bap boıynsha «Memlekettik fýnksııalardy oryndaýǵa ýákilettik berilgen adamnyń nemese oǵan teńestirilgen adamnyń zańsyz materıaldyq syıaqy alýy» jáne 680-bap «memlekettik organdar basshylarynyń sybaılas jemqorlyqqa qarsy is-qımyl jónindegi sharalardy qabyldamaýy»;
2 – 154 – bap boıynsha «kásipkerlik qyzmetpen aınalysýǵa tyıym salynǵan adamnyń osyndaı qyzmetpen aınalysýy», 173 – bap «laýazymdy adamdardyń kásipkerlik qyzmetke zańsyz aralasýy», 665 – bap «prokýrorǵa, tergeýshige jáne anyqtaý organyna, sot oryndaýshysyna, sot prıstavyna kelmeý» jáne 678 - bap boıynsha «memlekettik bılik ınstıtýtyna qol suǵatyn zańsyz materıaldyq syıaqy berý»;
1 – 658 – bap «Kýániń aıǵaq berýden bas tartýy nemese jaltarýy» jáne 660-bap boıynsha «Ákimshilik quqyq buzýshylyqty jasyrý jáne ákimshilik quqyq buzýshylyq týraly ister boıynsha dáleldemelerdi burmalaý».
41 tulǵa ákimshilik jaýapqa tartyldy, onyń ishinde 5-eýi oblystyq mańyzy bar basshylar, 3 – eýi aýdandyq jáne 1-eýi – qalalyq.
Kóp jaǵdaıda ákimshilik jaýapqa jergilikti atqarýshy organdardyń - 19, sondaı-aq memlekettik organdardyń – 6 jáne quqyq qorǵaý organdarynyń – 1 qyzmetkeri men jumyskerleri tartyldy.
Mysaly, ÁQBtK-niń 681-babyna sáıkes buryn sybaılas jemqorlyq quqyq buzýshylyq jasaǵan adamdardy jumysqa qabyldaý faktileri boıynsha Batys Qazaqstan oblysynyń sport jáne dene shynyqtyrý basqarmasynyń basshysy Esendııarov, Aqmola oblysynyń týrızm basqarmasynyń basshysy Ǵabdýllın, Aqtóbe oblysy Hromtaý aýdanynyń Mádenıet jáne tilderdi damytý bóliminiń basshysy Iаken ákimshilik jaýapqa tartyldy.
Olardyń barlyǵyna 50-den 100 AEK-ke deıin ákimshilik jaza taǵaıyndaldy.
ÁQBtK–niń 676-babyna sáıkes jeke tulǵalarǵa zańsyz materıaldyq syıaqy berý boıynsha:
- Pavlodar oblysynda tirek–qımyl apparaty buzylǵan balalardy ońaltýdyń arnaýly áleýmettik qyzmetter kórsetý ortalyǵynyń bas býhgalteri Abeldınovadan oblystyq jumyspen qamtýdy úılestirý jáne áleýmettik baǵdarlamalar basqarmasynyń joǵary turǵan basshysy Altybaevaǵa 10 myń teńge kóleminde zańsyz materıaldyq syıaqy jáne jalpy quny 3 600 teńge bolatyn kámpıt qoraby men sharap bótelkesi túrindegi syılyq bergeni úshin 100 AEK mólsherinde (291,7 myń teńge).
- Atyraý oblysynda «Atyraý oblystyq veterınarlyq baqylaý jáne qadaǵalaý komıtetiniń aýmaqtyq ınspeksııasynyń» basshysy Bısenǵalıevtan Komıtet tóraǵasynyń mindetin atqarýshy Nurtazınaǵa quny 10 myń teńge bolatyn balyq ónimderi túrindegi zańsyz materıaldyq syıaqy bergeni úshin 100 AEK (291,7 myń teńge) kóleminde aıyppuldar óndirip alyndy.
Osyǵan uqsas faktiler Nur-Sultan, Almaty qalalary men Almaty, Jambyl, Aqtóbe, Qaraǵandy, Qyzylorda, Qostanaı jáne Soltústik Qazaqstan oblystarynda bar.
Sybaılas jemqorlyqqa qarsy qyzmettiń ákimshilik materıaldary boıynsha salynǵan aıyppuldardyń jalpy somasy 159,2 mln teńgeni qurady, 154,3 mln teńge óndirildi.
Sottar 9 ákimshilik is júrgizýdi qarady.
