Dárigerler zııankes jándikterden zardap shekenderden týlıaremııa aýrýy anyqtalmaǵanyn aıtady. Degenmen belgili merzimge deıin turǵyndardyń densaýlyǵy baqylaýda bolady deıdi. Dert juqtyrý jaǵdaıy oblysta eki jyl buryn bolǵan. Al óńirdiń Alǵa, Áıteke bı, Yrǵyz, Qobda jáne Oıyl aýdandarynda týlıaremııanyń tabıǵı oshaqtary bar. Sondyqtan ondaǵy turǵyndar dertke qarsy josparly túrde ekpe alýy tıis. Bıyl kenege qarsy óńirde qansha adamnyń naqty vaksına alǵany osy aıdyń sońynda belgili bolmaq. Sanıtarlyq dárigerler kene shaqqan jaǵdaıda shuǵyl medısınalyq kómekke júginý kerektigin eskertip otyr.
– Tabıǵı oshaqtarda ornalasqan aýmaqtarynda turatyn turǵyndar jeti jasynda vaksınasııa alýy kerek. Sosyn revaksınasııaǵa bes jyldan keıin jatady. Aýdandarda óziniń josparǵa sáıkes jatatyn adam vaksınasyn alyp jatyr. Ol bizdiń qadaǵalaýymyzda, - deıdi oblystyq sanıtarııalyq-epıdemıologııalyq baqylaý departamentiniń bólim basshysy Gaýhar Igilikova
