UMYTPAI JÚRSIN URPAǴYŃ...

Uly Otan soǵysynyń otty jyl­daryn basynan keship, týǵan eliniń, jas urpaqtyń baqytty bola­shaǵy úshin qaharmandyqpen kúres­ken soǵys ardagerlerine degen qur­met pen iltıpat ulǵaıa túsýde. Ulan-baı­taq elimizde soǵys jáne eńbek arda­gerlerine qamqorlyq pen kómek kór­setý aıasynyń keńe­ıe túsýi de osy úderisterdiń aıqyn aıǵaǵy. Mem­le­ket basshysynyń Qazaqstan halqyna bıylǵy Joldaýynda aǵa ur­paqqa degen qamqorlyq aıasyn keńeıtý jóninde atap aıtylǵan bolatyn. Almaty qalasyndaǵy 28-pan­fılov­shylar saıabaǵynda maıdan­ger­l­erge arnalyp ótkizilgen “Jaı­qala bersin butaǵyń, umytpaı júrsin urpaǵyń” atty aksııa sonyń bir jarqyn kórinisi boldy. Aksııa sheńberinde Uly Otan soǵysynyń 30 ardagerine jáne eńbek maıdanyna qatysýshylarǵa Uly Jeńistiń 65 jyldyǵyna arnalǵan merekelik medaldar saltanatty túrde tapsyryldy. Sonymen qatar, Uly Otan soǵysynyń ardagerlerin Medeý aýdanynyń ákimi M.Beıdalı Uly Jeńis merekesimen quttyqtap, olarǵa jyly lebiz bildirdi. Merekelik is-shara barysynda maıdangerlermen qatar, qaladaǵy orta mekteptiń oqýshylary 28-panfılovshylar saıabaǵynda jas shyrsha kóshetterin otyrǵyzdy. Baqyt BALǴARINA, ALMATY.